• پنج شنبه 9 فروردین 03


متن شعر ترکی دیر راهب -(سر سلطان مظلومان )

698

سر سلطان مظلومان 
یتیشدی دیر ترسایه 
صدای نالۀ ناقوس 
اوجالدی طاق مینایه 
گوروب دیرانی اوزگه حالیله ناله ایدر ناقوس 
قالوب حیران و سرگردان، اولوب بو قصّه دن مایوس 
چخوبدور دِیریدن دیشره، گوروب اول پیر بی سالوس 
نچه بیرق وورولموش نور اعظمدن او صحرایه 
جدالرده نچه باشلار اولوبدور مهر تک انور 
او باشلاردان اولور نور خداوندِ ودود اظهر 
اولوب دیر آنی محو نور روی شبه پیغمبر 
دیدی موسی گرک گَلسون بو صحرایه تماشایه 
ایدوب بیرده نظاره، گوردی راهب اوزگه عالمدور 
نه گوردی بیرجه آق سَقَّل، باشی قانیله پُر نمدور 
دولوب قان گوزلرینه ظلم اَلیله، مایۀ غمدور 
او حالیله او باش هردم تلاوت ایلوری آیه 
گوروب بیر عورت اشکین جاری ایلر عارض آله 
او باشه یوز دوتوب دردین دیر، آغلار، ایدر ناله 
دیر قارداش باجون زینب نجه دوزسون بیله حاله 
گَزَر گه کوفه ده باشون، گیدر گاهی کلیسایه 
حسین قارداش سنی اُلدوردولر، من قالدیم آواره 
او قانلی گوزلرون آچ زینبه بیر ایله نظّاره 
اسیر دست بسته اولموشام شمر ستمکاره 
گَله سندن صورا لعنت برادر جان بو دنیایه 
نظر قیل حالیمه، گور نه سیه پوش اولموشام قارداش 
جفای قوم کفّاره عجب توش اولموشام قارداش 
سنون درد فراقونله هم آغوش اولموشام قارداش 
گئجه صبحه کیمی یاتموب، تیکوب من گوز ثریّایه 
علی اکبر باشی ناگه ساتاشدی چشم لیلایه 
گوروب گُل عارضه سنبل کیمی زلفی سالوب سایه 
قیاس اولماز او زلفون بیر تِلی یوز مین بو دنیایه 
او باشه یوز دوتوب سویلَر اوغول باخ بیر بو لیلایه 
علی اکبر سنون عشقون گَتوردی جانه لیلانی 
ایدوب مجنون کیمی بو دهریده دیوانه لیلانی 
عجب پابند اولوب، زلفون چکر هر یانه لیلانی 
علی پابنددور لیلا او زلف عنبر آسایه 
روادور قانلی باشون ظلمیله زیبِ سِنان اولسون 
بویانسون قانه زلفون تِل به تِل، بی کس آنان ئولسون 
اوغول ایله بیان بو بینوا لیلا نجه گورسون 
دولوبدور لخته لخته قان علی بو چشم شهلایه 
حسینین بیر به بیر درد و ملالین یاده سال «خازن» 
عزا بزمینده ایت ناله، زیارت ایسته، آل «خازن» 
بو حضّاریله سن گیت اکبرین قبرینده قال «خازن» 
محبّت اهلی اول، بِل باغلاما بو فانی دنیایه 

  • دوشنبه
  • 1
  • مهر
  • 1398
  • ساعت
  • 11:3
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید


حجم فایل 263.87 KB
تعداد بازپخش 8
تاریخ بارگذاری دوشنبه 1 مهر 1398 04:04
عنوان : به این سبک اجرا شود

ارسال دیدگاه



ورود با حساب گوگل

ورود کاربران