السّلام ای سلیل قرآن
ای اولان دین یولوندا قربان
گلمیشم قبریوین نماسین
منده بیر یول گورم یاخیندان
.
گلمیشم ، دردیمین ،
چاره سین حسین سندن آلام
قبریوین ، باشینه ،
اذن وئرسن آقا دولانام
.
((حسین جانم – حسین جانم))
.
.
.
.
.
گلمیشم عطریوی آلام من
گلشن عشقه یول سالام من
همنوا باغریقان ربابه
اصغرین لای لاین چالام من
.
اولموشام ، دهریده ،
عشقیوین گرفتاری حسین
سنده اول ، حشریده ،
عشقیمین خریداری حسین
.
((حسین جانم – حسین جانم))
.
.
.
.
.
سوزِ مستانه دلده گلدیم
لفظ شکرانه دیلده گلدیم
اقتدارِ ولایتوندی
قاره بیر پرچم الده گلدیم
.
بوهمان ، قاره دی ،
قانیوی سنون آلدی حسین
تختیدن ، توپراقا ،
هندین اوغلونی سالدی حسین
.
((حسین جانم – حسین جانم))
.
.
.
.
.
نیسگیلیم چوخدی بس ،حبیبیم
ای منیم باصفا طبیبیم
قبریوی گویلوم ایستیوردی
حَمدُ لله اولوب نصیبیم
.
قات منیم ، ناله می،
جابر و عطیّه سسینه
باغریقان ،زینبین،
اربعینده کی ناله سینه
.
((حسین جانم – حسین جانم))
.
.
.
.
.
سینه ده چوخلی غم واریدی
چوخلی درد و اَلَم واریدی
درد و غمدن علاوه ، دلده
داغ بین الحرم واریدی
.
یاحسین ،منیدیم ،
بی قرار بین الحرمین
قورتاروب ،عاقبت،
انتظار بین الحرمین
.
((حسین جانم – حسین جانم))
.
.
.
.
.
گلمیشم ؛ دیده سی ترَم من
گول بو گولزاریدن دَرم من
قولسوز عباس قهرمانین
باصفا قبرینی گورم من
.
قارداشین، مظهر،
صبر و استقامت دی آقا
صودامر ، طفلیدن ،
ایندی ده خجالت دی آقا
.
((حسین جانم – حسین جانم))
.
.
.
.
.
بوردا بیر دلبرون یاتوبدی
پُربَها گوهرون یاتوبدی
بیر حبیب آدلی پیرِ طاهر
بیر قوجا نوکرون یاتوبدی
.
مرحبا؛گلشنِ ،
عشقیوین عجب گوللری وار
هم قوجا ،یاری وار،
همّی صودامر یاوری وار
.
((حسین جانم – حسین جانم))
.
.
.
.
.
ای اولان اُسوه ، حلم و صبره
وی دؤزن هر بلا و جبره
ایسته بیر اربعین «مُصیّب»
یول سالا آلتی گوشه قبره
.
قیل کرم ،منده بیر ،
جامۀ صفایه بورونم
گورجاقین ،باصفا،
قبریوی یوز اوسته سورونم
.
((حسین جانم – حسین جانم))
.
- چهارشنبه
- 10
- مهر
- 1398
- ساعت
- 12:28
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه