ای جلال و شوکتی غارته گیدن باجی
ووردولار رقیه می دوشدی ناقه دن باجی
.
.
گللری خزان اولوب خاطری شکسته دور
دام ظلمه بلبلیم ظلم الیله بسته دور
أول قدر قاچوب بألام أینجیوبدو خسته دور
آز قالوب هلاک اولا آه و ناله دن باجی
.
.
گلمسه اگر باجی نازدانه دختریم
گیتمرم بو دشتدن أی وفالی خواهریم
نیزه ده من آغلارام ناقه ده حرملریم
آخر أل چکنمرم من رقیه دن باجی
.
.
من گرک بو حالیله نیزه ده قیام ائدیم
خیمه ده رقیّمه وصلیمون یئرین دئدیم
وعده میز دمشقه دور گلمسه نجه گئدیم
قول وئرمیشم اونا کربلاده من باجی
.
.
گلمسه اگر بالام گئتمکیم محالدور
چولده گور نجه قالوب طفل خرده سالدور
ایندی فاطمه آنام مونس ملالدور
ائیلیور مواظبت اول حزینه دن باجی
.
.
آیریلاندا خیمه دن آخرین وصیتیم
ائیلدیم که وار منیم بو قیزا محبتیم
سویلدیم نظرده سن ساخلا بو امانتیم
حفظ قیل آپار اونی شامه کوفه دن باجی
.
.
تا سلامت اول قیزی وارد ایله شامه سن
گوشه ی خرابه ده سالم ایله سون وطن
من اوزوم آپارماقا گللم اول خرابه دن
ایلرم خلاص اونی رنج و غصه دن باجی
.
.
گلم اول زماندا که منزل خرابیه
وئررم أوندا مژده ی وصلیمی رقییه
من آپاررام اگنینه رخت جتنی گیه
سنده کهنه معجر ون قیل اونا کفن باجی
.
.
جان وئرنده قوللارین شمر دون گلوب آچار
پیشوازه گورجگین قانلو باشیمی قاچار
گول یوزن قویار قوری تپراق اوستونه یاتار
حالینه اونون یانار هر گلوب گورن باجی
.
.
وار رقیه نون هله باشدا آیری محنتی
یتمه سه خرابیه تاپماز استراحتی
مدفنی خرابه دور دائماً اقامتی
حشرده قیام ایدر اول خرابه دن باجى
.
.
ناطق آغلیور اونون محنت و ملالینه
هر زمان دوشر اونون غم لری خیالینه
گر چه یتمیوب الى قبرینون وصالینه
دفتریمده وار اونون إجری نوحه دن باجی
.
.
- چهارشنبه
- 10
- مهر
- 1398
- ساعت
- 14:53
- نوشته شده توسط
- ابوالفضل عابدی پور
- شاعر:
-
مرحوم ناطق اردبیلی
ارسال دیدگاه