دور آی آنامون یادگاری مهربان باجی
یاتما حسن قربان سنه اولدوم اویان باجی
دور کی چوخالدی سینه ده درد و غمیم زینب
نامحرم اولدی اوز اویمده محرمیم زینب
دور قاره گی باشلاندی یوم ماتمیم زینب
طشت ایله حاضر لبلریمدن گلدی قان باجی
گوردون اوشاقلیقدان ایکی ماتم فضاسین سن
دوتدون أنامیلان آتامیندا عزاسین سن
دور ایندیده سال باشه قارداشین قراسین سن
سنسن مصائب عرصه سینده قهرمان باجی
منلن وداع ایله باجی قسمت شهادتدور
هجرت اساسیم دنیادان بیر عمر عبادتدور
پیغمبره وار نسبتیم رتبه م سیادتدور
وردیم خدانون ساحتینده امتحان باجی
آی باتسا گون چیخسا منی دای أسمان گورمز
مسجده مؤمن لر منی ویرسه اذان گورمز
بیز اهل بیتون مثلینی چشم زمان گورمز
رجعت زمانینده اولار وجهیم عیان باجی
قویما ابوالفظلی یاسیمدا چوخ فغان ایتسون
قاسم بوغمده ناله قویما هر زمان ایتسون
یوزدن حسینی قویما چوخ گوزیاش روان ایتسون
اولادیمه تسکین ویر أی آرام جان باجی
مندن صورا سنده باجی چوخ قلبی قان اولما
قلبون دوتولسا حضرت زهرایه بیر آغلا
سال یاده کوچه روضه سین هردن منی اوخشا
قرآن تلاوت ایله مندن چیخسا جان باجی
ائول کوچه ده سن اولمادون اللها شکر اولسون
اوخشا آنامیلان منی قوی گوزلریم دولسون
گل مثلی اما قاسیمین قویما یوزی سولسون
چیخمور یادمنان کوچه جریانی اینان باجی
ثانی أناما سیلی ووردی قلبیمی یاردی
سسلندی یول گستر منه اوغلوم گوزوم تاردی
ناراحت اولما آی بالا الله بیزه یاردی
اولدوق ایکیمیزده ایوه ساری روان باجی
زهرا أنام ثانی الیندن چکدی غم اولدی
آز سینیلن چوخ گوردی دنیاده ستم اولدی
جان دفتریندن خوش گونه چکدی قلم اولدی
هچ بیلمدی شهر اهلی دفن اولدی هاچان باجی
سیلی دئین رخسارینی ایتدی نهان گتدی
بونیسگیله آغلار گوزوم قبره جوان گتدی
کوچه سوزوندن قویدی گوشواره نشان گتدی
یاندی رسالت درگهی بودرده یان باجی
مندن صورا صبر عرصه سینده سن دایان زینب
دنیادن عقبایه آپار صبر ارمغان زینب
قویما منیم یاسیم آلا سندن توان زینب
سعی ایله اولسون دین بناسی جاودان باجی
- سه شنبه
- 16
- مهر
- 1398
- ساعت
- 14:28
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه