بیت مولاده گُل آچدی آدلانوب گُلرو حسن
خُلقاً و خَلقاً حسندی قامتی دلجوحسن
موج ایدوب دریای لطف حضرت حق لاینام
گلدی دنیایه حسن چون نیمة ماه صیام
شاد اولوب مولا علی و فاطمه خَیرُلاَنام
اولدی لطفوندن جهاندا اهل شیعه شادکام
صحبتی وار بوگجه هر محفل و هر انجمن
خُلقاً وخَلقاً حسندی قامتی دلجو حسن
حُسن سیماده اولانماز بیرنفر هرگز مثل
عارضین خلق ایلِیوبدی خلق ایدن چون بی بدل
مصطفایه بنزدوب حسنون خدای لم یزل
گور میوب چشم جهان دنیا بویی بوندان گوزل
مجتبی دور بیر آدی کان کرم سیمین بدن
خُلقاً و خَلقاً حسندی قامتی دلجو حسن
بو آچان گل که آچوبدور فاطمه ریحانیدی
ساقی کوثر بالاسی مصطفانون جانیدی
سود ویروب زهرا بُیوتدی عالمین سلطانیدی
صلح ایدندی صلح جو حق دینونون قربانیدی
گلدی عزت خلق ایده حق دینینه شاه زمن
خُلقاً و خَلقاً حسندی قامتی دلجو حسن
بو شرف دریاسی دور چون معدن صلح وصفا
ره رو حقّ و حقیقت سرور اهل وفا
حجّت روی زمین دی چون آتا سیندان صورا
پایه سین بو قویدی اولدی نهضتِ کربوبلا
رهنمادور بو حسینه تا اولا گلگون کفن
خُلقاً وخَلقاً حسندی قامتی دلجوحسن
چشمۀ فیض هدایت بیر مه رخشنده دور
بوکریم اهلبیت و نیر تابنده دور
ایلکی دور اوّل امامه بیر شه بخشنده دور
درگهینده اهل هیئت بیرده «عدلی» بنده دور
عیدیانه ویربو جمعه سیرتی نیکو حسن
خُلقاً و خَلقاً حسندی قامتی دلجو حسن
- دوشنبه
- 3
- تیر
- 1398
- ساعت
- 10:13
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه