دور منی درک اله آی باجی حالیم یاماندور
جعده زهری اثر ایلیوب جانیم ألاندور
جان سو ایچنده گلدی دداقه
دوشدوم ایاقدان دور بیر ایاقه
زینب یازینب زینب یازینب
بیر اویان گور بو ایوده نجه چوخدور ملالم
منی مسموم ایدیب اوز ایویمده اوز عیالیم
ایلیر باغری قان قاسمی بحرانلی حالیم
چخسا جانیم الار دنیادان راحت خیالیم
دنیا یالاندور حالیم یاماندور
گل دادیمه چات باجی اماندور
جان سو ایچنده گلدی دوداقه دوشدوم ایاقدان دور بیر ایاقه
زینب یازینب زینب یازینب
حق یولوندا منه قسمت اولدی بو سعادت
کی نصیبیم اولا بو گجه باجی شهادت
خالقه ایلدیم قانلی لبلرلن عبادت
قوی منی ایله سونلر بنی هاشیم عیادت
ظاهرده زهرین بیماریم من
باطینده ایمان سرشاریم من
جان سو ایچنده گلدی دوداقه
دوشدوم ایاقدان دور بیر ایاقه
زینب یازینب زینب یازینب
ووردی جعده سنون قلبووه دور گور نه یاره
گیه جکسن صباحدان منیم یاسیمده قاره
اولمادی قربتین دردینه چاره بو ایوده
تاپشرارسان منی أشنا یرده مزاره
جنتده مهمان زهرایه اولام
طاهایه اوردا همسایه اولام
جان سو ایچنده گلدی دداقه
دوشدوم ایاقدان دور بیر ایاقه
زینب یازینب زینب یازینب
ایله بیر طشتی حاضر کی لبلردن گلور قان
ایچمیشم زهری ایستور کی چیخسون جسمیدن جان
گورسه قانلی دوداقلاری عباس ایلر افغان
ویر تسلا اونا قویما چوخ اولسون پریشان
قویما حسینی اولسون مکدر
چوخ ناله ایتسون سبط پیمبر
جان سو ایچنده گلدی دداقه
دوشدوم ایاقدان دور بیر ایاقه
زینب یازینب زینب یازینب
گنه محنت اودی چکدی بو ایوده زبانه
أتاسیزلار بو ایوده گنه گلدی فغانه
آتانون حالینه هی باخولار یانه یانه
سسلیولر بیزی تک قویور مولا شبانه
بوغملی حاله پیغمبر أقلار
گویده ملکلر یاسیمی ساخلار
جان سو ایچنده گلدی دوداقه
دوشدوم ایاقدان دور بیر ایاقه
زینب یازینب زینب یازینب
دور منی درک اله آی باجی حالیم یاماندور
جعده زهری اثر ایلیوب جانیم الاندی
- سه شنبه
- 16
- مهر
- 1398
- ساعت
- 14:28
- نوشته شده توسط
- ابوالفضل عابدی پور
- شاعر:
-
حسنعلی بالایی
ارسال دیدگاه