زینب گلنده شامه گونی شام تاراولوب
مین درد و محنته او حمیده دچاراولوب
.
طی ایلیوب منازلی چوخ غملی حالیلن
نه دیزده طاقتی نه اورکده قرار اولوب
.
دلخوشلیقی فقط یارالی باشدی نیزه
شامه گیرن زماندا اوباش سنگسار اولوب
.
حیدرقیزی گورنده بیله هتک حرمتی
قان جوشدی رگلرینده چوشیرشکاراولوب
.
یوزدوتدی شامون اهلینه سسلندی وای سیزه
داش ویرمیون عزیزیمه قلبیم فکار اولوب
.
نیزه باشیندا یاره لی باش جاندی حیدره
حق اوسته کربلاده گوزل جان نثار اولوب
.
ختم پیمبرین سینه سین چوخ مکان ایدوب
ظلمیله گرچه نیزیه الان سوار اولوب
.
شرم ایلیون رسول خدادن داش آتمیون
بوظلمه باغریقان هامی خردوکباراولوب
.
مهمانی میزبان نجه گور پیشواز ایدور
گور هانسی مکتب ایچره قوناق خوار وزار اولوب
.
گوردی اودم یغوب اتگه بیرعجوزه داش
سسلیر ویرون بوباشلاری کی تار و مار اولوب
.
داشلاندی راس پاک شهیدان دوباره دن
نالان بو وضعه زینب بی غمگسار اولوب
.
گوردی دوباره یاره لنوبدی حسین باشی
یاندی اورک فغانه گلوب غصه دار اولوب
.
خوشدور بویوردی منده گرک باشیمی یارام
شمس وفا نی اوسته اگر انکسار اولوب
.
(بیر یاحسین دیدی باشینی چالدی محمله)
قورخوشدی شامیلر کی گوروب انتحار اولوب
.
زینب زبس که عاشق روی حسینیدی
اللی بش ایل او سروره هریرده یار اولوب
.
سسله حسین آدین هامی عمرونده #آذرین
خسران ایدوبدی هرکیم حسیندن کنار اولوب
- چهارشنبه
- 17
- مهر
- 1398
- ساعت
- 14:31
- نوشته شده توسط
- ابوالفضل عابدی پور
- شاعر:
-
ودود آذرین خلخال
ارسال دیدگاه