• چهارشنبه 1 آبان 98


متن شعرترکی شهادت حضرت امام حسن (ع) -(آل حسینیمدن سبونی قویما ایچسون سو باجی)

14

آل حسینیمدن سبونی قویما ایچسون سو باجی
سو سبوسی بُلمه بیر جام اَجلدور بو باجی
.
.
دولدوروب زهر جفائیله قضا سرشار اونی
ایلیوب یالقوز منه اسباب وصل یار اونی
یوخ حسینون قسمتی یار ائتمیوب احضار اونی
بیز ایکی قارداشه بیردن گلمیوب موتوا باجی
.
.
من او جامون تشنه سیدیم ایلدیم بیر جرعه نوش
ایله اود دوتدی وجودیم ایلرم جوش و خروش
بو اود عمریم خرمنین یاندیرماسا اولماز خموش
تا وارام وار سوزشی جانیمده تو در تو باجی
.
.
من ایچوب یاندیم کفایتدور حسینیم یانماسون
من کیمی جان و جگردن اود دوتوب اودلانماسون
دوزمه سن قلبون ایکی داغیله قوی داغلانماسون
دوتمیوب قلبون هله قارداش غمیله خو باجی
.
.
من صباح ئولَّم گرک باتسون حسینون یاسیمه
پرورش وئرسون گل نسرین و سرخ و یاسیمه
غمگسار اولسون بو عبدالله و بکر و قاسمه
قویماسین اولادیمه غم غصّه وئرسون رو باجی
.
.
احترامیله گوتورسون حتّی الامکان نعشیمی
قویماسون خوار ایلینده قوم عودان نعشیمی
مانع اولسون دشمن ائتسه تیرباران نعشیمی
ائتمسون عبّاس ظاهر قوّت بازو باجی
.
.
ایمدی صبر ایله منیم درد فراقیمده دایان
آز اؤرکلن آز یوزه گوز یاشیوی ایله روان
حالیمی برهم گوروب باش آچما چوخ ائتمه فغان
پوزما حالون توکمه رخساره پریشان مو باجی
.
.
بو حسینی عشق جانان اوندا کیم مدهوش ائدر
شوقدن اوز قانینی خنجر دمیندن نوش ائدر
چشمه چشمه سو کیمی قان یاره سیندن جوش ائدر
سس چکللر دوره سینده بیر سؤری آهو باجی
.
.
پاره پاره جسمینه گورسن اولوب قوملار فراش
دوشموش عریان پیکری قان ایچره نه ال وار نه باش
اوندا قارداش وای دئ چک صیحه یوزون ایله خراش
شمر امان وئرسه اگر وور باشه یول گیسو باجی
.
.
نعشینون توهینی ایستللر تمامه یئتمگه
چاک چاک اعضاسینی قویمازلا سن دفن ائتمگه
قارداشی یرده قویوب مجبور اولارسان گئتمگه
وار یری قان آغلاسون بو محنته مینو باجی
.
.
اوندا هر یانه باخوب بیر یار و یاور گورمه سن
عون و فضل و قاسم و عباس و اکبر گورمه سن
آلتی قارداشدان بیرین ای زار و مضطر گورمه سن
دمبدم ذکر ایله سن قمری کیمی کوکو باجی
.
.
نیزه ده گورسن حسین باشی ائدوب تصمیم شام
چکمه ال آیریلما هرگز گوز گوتورمه صبح و شام
اهل بیتین باشه یغ ایله او باشه احتشام
آردیجان بیر باش سؤرون گلسه اگر هر سو باجی
.
.
وار سنونده باشوین عالمده چوخ محنتلری
دستگیر ایلوب چکر شامه شقاوت لشگری
وئر رضا صبر ائت قضایه اول بلالر همسری
هر بلایه وئرمه باش خم ایلمه ابرو باجی
.
.
ایسته سن «ذهنی» سنه آل علی قیلسون کرم
باجینی قارداشلاری بیر بیرلرینه وئر قسم
نه او قارداشلار کیمی قارداش قویوب کونه قدم
نه گلوب زینب کیمی دنیایه بیر نیکو باجی

  • چهارشنبه
  • 17
  • مهر
  • 1398
  • ساعت
  • 15:10
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران