بزم وصلیده ساقیان غم
ویردیلر منه بیر سبو باجی
واردی نشأسی نشأتینیده
کیمسه ایچمیوب بیله سو باجی
.
.
مدتیدی بیر بیله ساعته
روز و شب چکردیم من آرزو
قلبیمون غبار ملالینی
عاقبت بو سو ائتدی شستشو
قورتاروب غم هجریدن منی
بزم یاره یول آچدی بو سبو
باخما جسممون باطنی بئله
اود دوتوب یانار تو به تو باجی
.
.
من بیرعمردور دلدن ای باجی
بیر بئله گونه انتظاریدیم
قید هجره پابندیدیم ولی
انتظار ایمای یاریدیم
وصل یاره مشتاقیدیم ئوزوم
ایله قلبدن بی قراریدیم
ایلمیشدی افسرده حالیمی
قلبده اولان آرزو باجی
.
.
گوردی قلبیمی ایلیوب منیم
تیشۀ مصیبت جریحه وار
ایلدی باجی بیله ساعته
با وفا حبیبیم امیدوار
قورتولوب یقین فرقت عالمی
آخره یتوب عمر مستعار
آز قالور همان یاره نی ائده
مهربان طبیبیم رفو باجی
.
.
اوّلنده بولموشدی حالیمی
رمزیله او محبوب بی بدل
ایچدیقیم سبونی او رمزیله
ای باجی دولاندوردی ال به ال
گوردی اود دوتوب دل یانار اولوب
آتش فراقیله مشتعل
آتش دل داغداریمه
بو سبوئیله سپدی سو باجی
.
.
گوزلریمده بیر نوعی جلوه گر
اولدی ای باجی جلوۀ نگار
خوابدن اویاتدی او حالیله
سلب اولوب وجودیمدن اختیار
ایچمیشم همین من بو کوزه دن
مست عشقیدیم بولمدیم نه وار
محو عشق اولور اهل عشق اولان
گوسترنده معشوقه رو باجی
.
.
بیله نازیله یاتما درو باجی
ائتگیلن خبر آل هاشمه
احتضار حایلم یاخونلاشوب
جمله سی یغشسونلا باشیمه
گلموری دیزیم یوخدی طاقتیم
قیترون منی اؤز فراشیمه
قورتولوب نفس قالمیوب داخی
منده طاقت گفتگو باجی
.
.
آچدی گوزلرین زینب حزین
گوردی قارداشین دوشدی وحشته
عرض قیلدی قارداش نه قاندی بو
کیم سنی سالوبدور بو حالته
سویلدی خبر آلما سرّینی
قوی قصاص قالسون قیامته
استتاری لازمدی ایلمه
بو قضیه نی جستجو باجی
.
.
ظلم الیله بو چرخ کینه جو
اؤز ضقاوتین ایلدی بروز
من سو ایچمیشم ای باجی دوتوب
اود کیمی وجودیم تمام سوز
قارداشیم حسینون جفائیله
شمر دون کسر باشینی سوسوز
العطش دیر رحم ایلمز
بیر ایچیم سو وئرمز عدو باجی
.
.
آچما باشوی یولما زلفوی
وورما گول یوزه صبر ایله دایان
چوخ باخوب منه پوزما حالیوی
ایلمه یوزه گوز یاشون روان
ئولمیوب هله قارداشون حسین
کسمیوب باشین تشنه کوفیان
آچمیوبدی ال غارته هله
کوفیان بی آبرو باجی
.
.
«عاصیا» اگر ایلیه نظر
هر کلامه سوز صاحبی اؤزی
سوز ملیح اولار اوندا شک یوخ
ذکر اولان زمان آغلادار گوزی
اوزلری مدد ایلیوب یقین
مخترع یازان وقته بو سوزی
بزم وصلده ساقیان غم
وئردیلر منه بیر سبو باجی
- چهارشنبه
- 17
- مهر
- 1398
- ساعت
- 14:34
- نوشته شده توسط
- ابوالفضل عابدی پور
- شاعر:
-
مرحوم حسن عاصی تبریزی
ارسال دیدگاه