دوداقین قانه باتوب ای شه عالم یارالی
گوزیاشیلا قویارام یاروه مرهم یارالی
.
آنّیوین داش یاراسندان اورگیم ایستور اوپم
قورخورام اینجیه داش یاره سین اوپسم یارالی
.
داریخان قلبیمی بوگلماقیلا شاد ایله دون
اینجیوبسن ولی یولاّردا مسلّم یارالی
.
ممکن اولسا گیجه نی قال بی بیمون خاطرینه
صبح اولونجا دولانیم باشیوه هردم یارالی
.
اوچ ایل اورگتمیشیدون چوخ گیجه سیننده یاتام
سن گیدن گوندن ایله درده دچارم یارالی
.
دوداقیندان منه بیربوسه ویروب جانیمی آل
اولموشام بیربیله سودایه مصمم یارالی
.
یولدا بیرسیلی وُروب زجر منه یاندی اوزوم
دیزلریم تیتره دی اوندا دیدیم اولّم یارالی
.
یوخدی ویرانه ده فرشیم قوری یرده یاتارام
کهنه لیب باشداکی اگنیمده کی قارم یارالی
.
شامی قیزلاری شمادتله وُرار دیل یاراسی
ایدر احوالیمی زلفوم کیمی برهم یارالی
.
باشلاقران اوخی جانیم یتیشوبدور دوداقا
جان ویروم قبریمی قازسون خانم عمم یارالی
.
من یاتان سینه ده اصغریاتوب اما نه یاتوب
یارالی بلبل اولوبدورگله همدم یارالی
.
اربعیننده بابا گَلمَسم عف ایله منی
سن بؤلورسن که گلَردیم گله بولسم یارالی
.
اولمادی قسمت اوچولده سنه غم بزمی قورام
قبریوین اوسته آچام بیرقره پرچم یارالی
.
دوره ده عمه لریم ایلشه من نوحه دئیم
اوجادان آغلیام عرشه چخا نالم یارالی
.
عیبی یوخ من بویری کرب وبلا فرض ایده رم
دونرم باشیوه قورّام سنه ماتم یارالی
.
یورولان سینمون اوستونده بیرآز یات بوگیجه
یاراداخ شامیده بیز آیری بیرعالم یارالی
.
قوی فلک سنله منیم عکسیمی بیریرده سالا
قالاتصویریمیزعالم بوئی باهم یارالی
.
بابا درگاهیمه عجزیله نصیری قویوب اوز
منده محشرده اونون اجرینی ویررم یارالی
.
- پنج شنبه
- 18
- مهر
- 1398
- ساعت
- 13:28
- نوشته شده توسط
- ابوالفضل عابدی پور
ارسال دیدگاه