بالام ای خالق سبحان نیه یاتمور بوگجه
اولوب احوالی پریشان نیه یاتمور بوگجه
.
من که لای لای دیدیم آهسته یاتیتدیردیم اونی
نیه بد خواب اولوب الآن نیه یاتمور بوگجه
.
گوره سن اصغرینون آغلاماقی یاده دوشوب
اونا خاطر ایدور افغان نیه یاتمور بو گجه
.
یا ، علی اکبرینون مهری دوشوبدور یادینا
منتظردور گله یولدان نیه یاتمور بوگجه
.
گوره سن ئوز باباسین عالم رویاده گوروب
یا ایدوب ضعف ، آجندان نیه یاتمور بوگجه
.
بارالها گوره سن خورداجا قلبینده نه وار
اویانوبدور یوخوسوندان نیه یاتمور بو گجه
.
یا اذیت ایلیور قوللارینون قمچی یری
یا ایاقندان آخور قان نیه یاتمور بوگجه
.
بیلمورم زجرین الیندن گنه فریاده گلوب
یوزونه عمه سی قربان نیه یاتمور بوگجه
.
بیلمورم دیل یاراسی قلبنی درده گتوروب
یا غم خار مغیلان نیه یاتمور بوگجه
.
- سه شنبه
- 23
- مهر
- 1398
- ساعت
- 13:51
- نوشته شده توسط
- ابوالفضل عابدی پور
- شاعر:
-
ابوالفضل فرهنگی
ارسال دیدگاه