آتام اوغلی قبر شریفیوه
دیمورم شکایته گلمیشم
قوتاروب اسارتیم عاقبت
دیورم زیارته گلمیشم
.
.
یتورم حضوریوه ابتدا
ادب و سلام و درودیمی
حرم مقدّس پاکیوه
ویره سن جواز ورودیمی
یتیشوب مزاریوه باشلیام
یانا یانه غملی سرودیمی
دل ائویندن آغلیا آغلیا
گوره سن قیامته گلمیشم
.
.
دوتام اربعینیوی محترم
منیچون سوای وظیفه دی
یوخودور تعارف و منتی
باجووا بنای وظیفه دی
نه سوزوم سوا و نده بنا
هدفیم ادای وظیفه دی
اورگیمده نیّت پاکیمی
یتورم نهایته گلمیشم
.
.
منی قویمیوبدیلار آغلیام
بیلوسن دویونجا ملالیوه
گوزومی خصوصاً او نیزه ده
ساتاشاندا قانلی جمالیوه
سپری اولوبدی زمان الیم
چاتوب ایندی کوی وصالیوه
باشیمون بلاسینی شامیدن
ائلیوم حکایته گلمیشم
.
.
من عزیز فاطمییدوم ای
آنامین امانتی عالمه
ائله دوندی گردشی بختیمون
گذر مصیبت و ماتمه
گئجه آغلادیم گونوز آغلادیم
بو فلکده باخمادی ناله مه
اورگیمده نسگلیمون واری
سببی روایته گلمیشم
.
.
بیزی کربلادن آیردیلار
قولی باغلی یوم قیامتون
قان ایچنده یاره لی بی کفن
قوری یرده نقشیدی قامتون
هدف اولموشیدی اوخا داشا
یوخودی بیر عضو سلامتون
او گونون طبابت ایدنمدیم
بو گونون طبابته گلمیشم
.
.
دئمورم رقیه وی ووردیلار
او یانان فؤادیوی داغلیام
دئمورم کتاب مصیبتین
ورقین بو حالیده باغلیام
دیورم رقیّه وه بوردا بیر
قوشولام ربابیلن آغلیام
گوره سن او بابته بیرده من
سنه سر سلامته گلمیشم
.
.
غم بی نهایتی حدّیدن
دئمورم عزیزوین آشمادی
دای ئولن زمانیدن اکبری
اونا زندگانی یاراشمادی
قویولونجا مغسلین اوستونه
باشینون قراسینی آشمادی
هانی بس رقیّم هایاندادی
دئمه بو خجالته گلمیشم
.
.
اجلین اراده سی قویمادی
او گوزل امانتی ساخلیام
گوزوم اوسته دلبر نازووی
آنامین نیابتی ساخلیام
نچه گون و یا که وفاتینه
اولا استقامتی ساخلیام
اونی شهر شامیده قویموشام
ابدی سفارته گلمیشم
.
.
غم هجرین آتش سوزینه
یانان اشتعالم آلشمشام
نچه یرده من که رقیّه وین
او کوسن زمانی بارشمشام
اونی تک خرابه ده قویمیام
قییدم دوباره دانشمشام
اولاسان گواه حقیقتیم
سند رفاقته گلمیشم
.
.
نه یورولمشام زحماتینه
نه رفاقتین یولون آزمشام
دیسم آسمانلاری آغلادار
نه سیاقدا قبرینی قازمشام
گوزومون یاشیلا مزارینه
بو اولن غریبه دی یازمشام
نظر ایله باب کرامته
گنه ده حمایته گلمیشم
.
.
قالانوبدی غم غمین اوستونه
اورگیم دولوب داخی یوخ یری
قولی باغلی غمزده زینبون
دولانوبدی کوفه ده چوخ یری
دیه سن چیخام نگرانیدن
ساغالوبدی سینه وین اوخ یری
سوونوب مزاریوی طوف ایدم
گوره سن ارادته گلمیشم
.
.
قطرات اشکووی (گوهری)
قات آماندی جوهر خامه وه
دوز اولا به خاطر نیتون
توکولنده مصحف نامه وه
یازیلا ثواب و مزیتی
اوخوناندا قبریده جامه وه
دیه سن بوشرطیله یا حسین
قاپووا شفاعته گلمیشم
.
.
- سه شنبه
- 23
- مهر
- 1398
- ساعت
- 13:52
- نوشته شده توسط
- ابوالفضل عابدی پور
- شاعر:
-
فرهاد گوهری
ارسال دیدگاه