شیعه لر حسینون گلدی اربعینی
سالدی یادیمه بیر غملی سرزمینی
.
نینوادی بیر آدی
کربلادی بیر آدی
تربتی شفادی (2)
.
.
.
.
لیلی اکبریندن اوردا ال ئوزوبدی
بختینین سهیلی ناگهان سوزوبدی
اصغرین آناسی غملره دوزوبدی
.
اوخلانوب علی اصغر
دوغرانوب علی اکبر
تربتی شفادی (2)
.
.
.
.
اوردا گلسِتان کربلا سولوبدی
اوردا قلب زینب غصه دن دولوبدی
تشنه لب حسینون غسلی قان اولوبدی
.
پیکری قالوب بیسر
قالدی بی کفن پیکر
تربتی شفادی (2)
.
.
.
.
اوردا میر لشگر مرتضای ثانی
دین حق یولوندا ائتدی جانفشانی
قول دوشوب سینوب باش باشدان آخدی قانی
.
اوخلانوبدی سو مشگی
اوندا قان اولوب اشگی
تربتی شفادی (2)
.
.
.
.
کربلا او یردی چوخ بلاسی واردی
نای نیلرینده غم نواسی واردی
کربلا چولونده غم هواسی واردی
.
تپراقی غم افزادی
غملری معمادی
تربتی شفادی (2)
.
.
.
.
ایله چاره یارب محنت فراقه
دعوت ائت بو جمعی عطرلی رواقه
آلتی گوشه قبری بیر آلاق قوجاقه
.
ایلیاق نوا دلدن
کام آلاق او منزلدن
تربتی شفادی (2)
- پنج شنبه
- 25
- مهر
- 1398
- ساعت
- 14:14
- نوشته شده توسط
- ابوالفضل عابدی پور
- شاعر:
-
حاج علی پور علی
ارسال دیدگاه