کیم دیورپرچم عباس علی اسمیه جاق
کیم دیور ریشه ظلمی بو علم کسمیه جاق
.
.
اوندا کی یازدی شرف لوحینه عشقین قلمی
یازیلوب باشدا حسینون آدی عباس علمی
بوعلم سالدی ایاقدان هامی قوم ظلمی
کیم دیورپرچم عباس علی اسمیه جاق
کیم دیور ریشه ظلمی بو علم کسمیه جاق
.
.
کیم دیور قائم قرآن دگورعباس علمی
کیم دیور جسمیلره جان دگورعباس علمی
کیم دیور دردلره درمان دگورعباس علمی
کیم دیورپرچم عباس علی اسمیه جاق
کیم دیور ریشه ظلمی بو علم کسمیه جاق
.
.
ذوالفقاریله تانور چوخلاری حیدر آدینی
یا کی قرآندی سالان یاده پیمبرآدینی
بو علم گسترر عباس دلاور آدینی
کیم دیورپرچم عباس علی اسمیه جاق
کیم دیور ریشه ظلمی بو علم کسمیه جاق
.
.
نجه پرچم دی ،کی اسدیقجا ئورکلرده اسر
نجه پرچم کی اونی ییخماقا دشمن تلسر
توپراقاسالسین اونی گوز چیخادار قولدا کسر
نجه پرچم کی آدی حشره کیمی باتمیه جاق
او علم کی آقام عباس اوجادیب یاتمیه جاق
.
.
نجه پرچم کی اسر احمدمختارآدینا
نجه پرچم ؛وورولوب حیدر کرار آدینا
نجه پرچم تانینوب قولسوزعلمدار آدینا
چاره سیز دردی اولان بو علمی آتمیه جاق
او علم کی آقام عباس اوجادیب یاتمیه جاق
.
.
نجه پرچم اونا درداهلی تیکوبدور گوزونی
چوخی صدقیله دخیل اولدی دئسون غم سوزونی
گوزیوی تیک یولا تا گستره مهدی ئوزونی
نرجسین اوغلونا فکرائتمه علم چاتمیه جاق
او علم کی آقام عباس اوجادیب یاتمیه جاق
.
.
نجه پرچم کی ابوالفضل اونون عشقینده یانار
دئدی گر پرچمیمیز اسمیه قلبیم دایانار
اهتزاز ائتمسه رنگ غمه قلبیم بویانار
شیعه لر بیربئله عشقی اوجوزا ساتمیه جاق
او علم کی آقام عباس اوجادیب یاتمیه جاق
.
- سه شنبه
- 23
- مهر
- 1398
- ساعت
- 15:21
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه