آچ گوزلرون ای زینبون آرام جانی
کرب و بلایه دور گئدورغم کاروانی
.
.
زهرا آنام تک ای اولان رخساری نیلی
زجر و سنان یولاردا چوخ وورمیشدی سیلی
اولما رضا مندن حسین اولسون گلیلی
شهزاده نین اولماز خرابه آشیانی
.
.
شیرین دیلون اولسون سنون قربانی عمه
سس وئر منه سن بول ربابی جانی عمه
عرشه اوجالموش لیلینون افغانی عمه
قویما دچار اولسون غمه بو بینوانی
.
.
یولداشلارون گوزلور سنی بو کارواندا
نولدی سنه قالدون قیزیم بو آشیاندا
یوخدور وفا عالم بولور بو شامیاندا
زهرایه خاطر ترک ایله غملی مکانی
.
.
چوخ سویلدون عمه بابام هاردا قالوبدی
اکبر آلان گوشواره می اشرار آلوبدی
اولما منی عباس عموم گوزدن سالوبدی
دور آشکارا من دیوم بو ماجرانی
.
.
گوردون بابان باشون قیزیم طشت طلاده
اکبرده اخیامه گلوب نعشی عباده
عباسه ده بیر ظلم اولوبدی کربلاده
ئولدوردولر قوم عدو بو خاندانی
.
.
نسگللرون آغلاتدی لیلا و ربابی
آخر قوجاتدی غملرون بو دلکبابی
اصغر غمی یاندیردی آل بو ترابی
اولدی بالام اوچ شعبه لی بیر اوخ نشانی
.
.
ای چوخ گورن شاماتیده طعن و شمادت
بو غملی اشعاری ائدوب « شیدا » کتابت
دعوت ایله تا قبریوی ائتسون زیارت
گل راضی اولما گورمه سین بو آستانی
.
.
.
- سه شنبه
- 23
- مهر
- 1398
- ساعت
- 15:30
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه