ائتمه بوچولده مکان
دختر شیرین زبان
دور گئدوری کاروان
یاتما رقیم اویان
.
باغریمی ائتمه قان دور گئداخ
آچ گوزیوی اویان دور گئداخ
.
آچ گوزیوی دور ایاقا تاج سران
قورخما داخی گلمیه جاق شمر وسَنان
رقیه جان – رقیه جان ...
.
.
.
برج ولا طائریوخ
حق نه وئروب شاکریوخ
دور،گئدیروخ دشت غمه
کرب وبلا زائریوخ
.
غرق درد و مُحن دور گئداخ
گوزلورباشسیز بدن دور گئداخ
.
ایندی کیمه دردیمی من ایلوم بیان
سینه میزی غصه لرین ایله دی قان
رقیه جان – رقیه جان ...
.
.
.
گوزلوری اکبر یولیوی
شبه پیمبر یولیوی
گوزلوری حتی گوزلیم
صودامر اصغر یولیوی
.
عشق اولدوزوم باتما دور گئداخ
گوزدن منی آتما دور گئداخ
.
ئولدوروری عمه وی بو درد نهان
آچ گوزیوی زینبه ای روح و روان
رقیه جان – رقیه جان ...
.
.
.
غرق محن عمه وم
غملرینن همدمم
هرنه سوزون واردئنن
عازم نهرْ علقمم
.
دردیمین درمانی دور گئداخ
گوزلرون قربانی دور گئداخ
.
بیز گئدیروق دشت غمه مویه کُنان
آیریلیقون قامتیمی ائتدی کمان
رقیه جان – رقیه جان ...
- سه شنبه
- 23
- مهر
- 1398
- ساعت
- 15:32
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه