سبک : ای قلم سوزلرینده اثر یوخ...
جامه عشقوی... مطهری...
.
.
قورتاریب شامیدن قبرون اوسته
یاحسین زینبون خسته گلدی
اربعین اولدی اهل و عیالون
دیدوه قلبی بشکسته گلدی
.
.
قبریدن دور شهیدلب عطشان
پیشوازایله بوغم قطارین
دورحسین خالی ایت غصه لردن
قیزلارون قلب محزون و زارین
.
.
بیرنظرقیل هامی اهل بیتون
سالم و دیده ترگلدی قارداش
شامیده قالدی اما رقیون
قلبیمی غصه سی دلدی قارداش
.
.
قوی دیوم بیربه بیر سن قولاخ ویر
شامیده گوردیگیم ابتلادن
حق بیلورکی نجه اهلبیتون
چکدیلرشامه جک کربلادن
.
.
باشیمه قمچی یولاردا دگدی
دوزمیشم هرغمه سندن اوتری
قیزلارون دوزدیلر بیر طنابه
سالدیلارماتمه سندن اوتری
.
.
قوپدی سندن صورا خیمه لرده
قوی دیوم نه قیامت حسینیم
اودویراندا خیامه عدولر
معجریم اولدی غارت حسینیم
.
.
خارجی آدقویوب اهل کینه
چکدیلر کوفیه غم قطارین
کوچه بازاری گزدی عیالون
گورمدون قیزلارین حال زارین
.
.
قانوی آلماقا انتظاریک
حجت حق اوزی ظاهر اولسون
سنده لطف ایله بیراربعینده
#آذرین قبروه زائر اولسون
.
- سه شنبه
- 23
- مهر
- 1398
- ساعت
- 16:40
- نوشته شده توسط
- ابوالفضل عابدی پور
- شاعر:
-
ودود آذرین خلخال
ارسال دیدگاه