ای آنام اوغلی بیان ایله اوز احوالون منه
بو نه قاندور لبلرونده زینبون قربان سنه
.
.
ایله حسرت باخما اوللام گوزلرون قربانی من
منتظر قویما بلالی زینبون قارداش حسن
قلبیمی یاندورما جالون چوخ دگرگوندور ندن
گل جمالون بنزوری بیر رنگی سولموش سوسنه
.
.
الدن آرامون گئدوبدور ای حبیب کردگار
گول کیمی پژمرده سن یوخسا یتوبدور جور خار
گلشن عمرون بهارینده خزان آثاری وار
اوخشوسان سولموش خزان اولموش سارالموش گلشنه
.
.
کاسۀ چشمون دولوب اشکیله مانند سحاب
صبر ائوین سیل سرشگون موجی ایلوبدور خراب
بیر سودان چخمش بالیقتک ایلوسن چوخ اضطراب
نه غم اوز وئرمیش گینه قارداش سنه ای وای منه
.
.
چوخ اورک باشین اوغوشدورما بیله ائتمه فغان
یاندیم آز یاندور منی اوز حالیوی ایله بیان
سبز رنگ اولموش وجودون یوخسا مسموم اولموسان
زهر کین اولموش سبب بیله فغان و شیونه
.
.
زینبون یارب نقدری واردی باشینده بلا
استراحتدن اولوب بیگانه رنجه آشنا
اولمیوب اولماز بیر عورت بیله درده مبتلا
بو قدر غم یوز وئروب دنیاده هانسی بیر زنه
.
.
قامتی غمدن بوکولدی گولمه دی بیر آن یوزی
غصّه دن زلفی آغاردی دوندی سامه گوندوزی
یاندی قلبی آغلادی دائم گئجه گوندوز گوزی
اولمادی عمرینده بیر ساعت یتشسون ایمنه
.
.
مجتبایه گه باخور بوردا توکور گوز یاشینی
شیونیله گه آچور کرب و بلاده باشینی
قانینه غلطان گورور گاهی حسین قارداشینی
آغلوری رُمحِ سنانه خنجر ذی الجوشنه
.
.
باغرینا جان تک باسور گول تک داغلمش پیکرین
ساربان کسمش گورور یارب بیلکدن اللرین
ایلمیش اوچ شعبه لی اوخ پاره قلب مضطرین
آیة الله صفحه صفحه دوشموش اول پیرامنه
.
.
حق سلیمانی گوروب باشه وئروب میثاقینی
بی مروّتلر کسوبلر خورداجا بارماقینی
صبری گئتدی باشه سپدی کربلا توپراقینی
وئرموسن قارداش دئدی بارماق اوزوک اهریمنه
.
.
ای حسینی بو حسیندور عالمه باب نجات
اسم اعظمدور آدی بونداندی حلّ مشکلات
آند وئر زهرایه وئرسون اوز الیله بیر برات
بوندان آرتوق قویماسون دنیاده طعن دشمنه
.
- پنج شنبه
- 25
- مهر
- 1398
- ساعت
- 12:51
- نوشته شده توسط
- ابوالفضل عابدی پور
- شاعر:
-
سعدی زمان سیدرضا حسینی
ارسال دیدگاه