سبک : به ذکر یاخدا یا الله ...
.
.
دور حسینیم گلوب زوّارین
قبریوی دؤر ایدوب قزلارین
زینبین گلدی اما یورقون
گزدی شاماتی حالی پوزقون
.
واگیر:
یاتما یورقون یارالی قارداش
گلمیشم من عزالی قارداش
حسین جان حسین جان حسین جان
.
.
.
زیر پاده یاتوب اکبرین
سینه ن اوستونده دی اصغرین
آغلامور یوموبدور گوزلرین
راحت اولموش او مه رخسارین
.
.
.
گلدی بو یرده غملر جوشه
ای اولان قبری آلتی گوشه
قبرون آلّام حسین آغوشه
چوخ گوزل طرح اولوب مزارین
.
.
.
گئدنده گوردوم عریان بدن
غارته گئدوبدی پیرهن
ای مزاره گئدن بی کفن
آچ گوزون گلدی هوادارین
.
.
.
سن هدف اولموسان شمشیره
نی باشندا چخوبسان سیره
جسم پاکیوی بیر حصیره
بوکوبدور نوگُلِ تبدارین
.
.
.
ویرمیشام شامه حق لواسین
سرفراز اولموش آل یاسین
یزیدون پوزموشام اساسین
آلموشام الدن اقتدارین
.
.
.
ای یاتان قبریده تشنه کام
اهل بیتین گتوردوم تمام
قالدی اوردا او شیرین کلام
رقیّه خردا عزادارین
.
.
.
توکور هجرینده گوزوم قان یاش
همجوارین اولیدی ای کاش
آلیدیم عطریوی آی قارداش
عطری جان بخشدور گلزارین
.
.
.
گوندوزوم شامیده شام اولدی
قدّیم اوردا منیم لام اولدی
رقیّه عمری اتمام اولدی
گورمدی بو گوزل دربارین
.
.
.
هی دئدی کربلا کربلا
داغلی قلبیمی ائتدی یارا
دئدی گئتدی بابام بس هارا
عمه جان هاردادی دلدارین
.
- پنج شنبه
- 25
- مهر
- 1398
- ساعت
- 14:34
- نوشته شده توسط
- ابوالفضل عابدی پور
- شاعر:
-
محمد رضا بیگی
ارسال دیدگاه