اگر چه دعوت اولمادیم بو اربعین زیارته
ولی گینه گوزوم قالوب آقامداکی عنایته
بیر عمر دور بو درگهین گداسیم ال اوزمرم
کریمیلر مگر قووار گدا گلنده حاجته
هامی دیور براتیمی بو اربعین آقام وئروب
اون ایلدی بولمورم آقام آتوب منی نه علته
بو ایلده وئرمه سه آقام براتیمی دوزنمرم
گرک گلایه ایلیم نجفده کی امامته
دیم بو روسیه ائتی حسین ایویندن ایلدی
سفارش ایله کوسمه سین بو ائت دوشر ضلالته
اوزون یتور براتیمی آزالدی صبر و طاقتیم
اجل یاخونلاشوب آقا عومور چاتور نهایته
اورکده آرزوم قالار بیر اربعین گلنمه سم
قیامته کیمی گرک آقا یانام بو حسرته
دعالریمده ایستیرم من اربعین زیارتین
ندن دعالریم منیم یئتیشمور استجابته
بو دفعه عفو ایله منی قصوریم اولدی گرچه چوخ
بو عهدی ایلیرم اگر گلم گلم انابته
بو نذری ایلدیم آقا کی کربلاده جان وئرم
محبت ایله سنده گل اوزون یتور او ساعته
بیر آرزومدا وار آقا ئولنده باشیم اوسته گل
نه اینکه جان وئرن زمان بدن دوشر صعوبته
قویاندا قبره نعشیمی یولون گوزتلرم سنون
بو انتظاریلن کی اوز آقام گلرشفاعته
اورک سوزیدی « صادقی » چکنده نظمه آغلادی
تیکوبدی گوزلرین فقط سیزون قاپوزدا دعوته
- پنج شنبه
- 7
- مرداد
- 1400
- ساعت
- 21:7
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه