طسبک:: الهی ننمنن اوزولدی الیم
.
سفردن گلوب مو پریشان باجون
گلوب قلبی داغلی اورک قان باجون
.
دورای شهریاریم
کمکسیز نگاریم
گلوب زینبون
.
.
.
ویروب یولدا دشمن بالا قیزلاری
اسیر ایلدی خسته اولدوزلاری
گتوردوم اوزوملن اوغولسوزلاری
.
گلوبلر اورک قان
هامی سینه سوزان
گلوب زینبون
.
.
.
یاران قلبی اوچ شعبه پیکان اویان
اؤلن سو کنارینده عطشان اویان
منی دربدر ائتدی هجران اویان
یوخوندی گلایه
بو درد و بلایه
گلوب زینبون
.
.
.
اوشاقلار بو صحراده سن سیز ملَر
مجسمّدی گوزده یانان خیمه لر
حسین سنسیز اولدی او آخشام نلر
اولان اولدی قارداش
سولان سولدی قارداش
گلوب زینبون
.
.
.
حسین، شمر و خولی یوروب زینبی
دویونجا بو یولدا ویروب زینبی
کمکسیز آدامسیز قویوب زینبی
ویروب چوخلی شانه
باشا تازیانه
گلوب زینبون
.
.
.
دیلیم بو بالا قیزلارا بسته دی
شماتدن اما باجون خسته دی
یزید، نو عروسی کنیز ایسته دی
گلوب جوشه قانیم
اوجالدی فغانیم
گلوب زینبون
.
- سه شنبه
- 30
- مهر
- 1398
- ساعت
- 16:48
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه