باد صبادن عطریوی آلدیم حسینیم
یول بو صفالی قبریوه سالدیم حسینیم
.
دورزینب غمخواره باخ
یورقون گلن زواروه باخ
مظلوم حسین جان (2)
.
.
شامه گیدنده پیکر شان شانی قویدوم
توپراقلار اوسته سن کیمی جانانی قویدوم
گلدن گوزل پیکر هانی
پیکرده کی اللر هانی
مظلوم حسین جان (2)
.
.
بو گلشنونده نه گوزل گللر یاتوبدی
گللر آرا سرو و صنوبرلر یاتوبدی
شبه پیمبر هاردادی
یوخسا ایاقون آتدادی
مظلوم حسین جان (2)
.
.
غمله اورک دولموشدی من شامه گیدهده
غنچه ن او گون سولموشدی من شامه گیدنده
گلدیم یانام ایوای دیم
گل غنچه وه لایلای دیم
مظلوم حسین جان (2)
.
.
دیندیر دانیشدیر غنچۀ پرپر آناسین
گنج ادب کان وفا اصغر آناسین
دینمور ولی دیلدن یانور
گویا بالاسین آختارور
مظلوم حسین جان (2)
.
.
هاردا یاتوب قارداش سپهسالار لشکر
سردار نام آور علمدار دلاور
چوخدان منی گوزدن آتوب
سرلشکرون هاردا یاتوب
مظلوم حسین جان (2)
.
.
چوخ چکموشم رنج و ملالت گلموشم من
اما رقّیّندن خجالت گلموشم من
گوزدن منی آتدی بالان
ویرانه ده یاتدی بالان
مظلوم حسین جان (2)
.
.
یوللاردا اوز عشقین رقیه آندیروردی
نوک جداده دیندیرودی یاندیرودی
آغوشیمه بیر گل بابا
سینمده یات دینجل بابا
مظلوم حسین جان (2)
.
.
ویرانه ده گوردی سنی دینجلدی قارداش
شوریده بلبل تک نوایه گلدی قارداش
مظلوم بابا خوش گلموسن
درده دوا خوش گلموسن
مظلوم حسین جان (2)
.
.
آغوشه آلدی باشوی صبریم آزادی
بیرآز دانشدی دل دئیدی سولدی سارالدی
ناگه دوشوب باش بیریانا
دردانه قارداش بیریانا
مظلوم حسین جان (2)
.
.
جان اوسته گوردوم جانیمی آغوشه آلدیم
مین دیلریله دیندیروب هم گویلون آلدیم
حسرتله بیر باخدی بالام
اولدوز کیمی آخدی بالام
مظلوم حسین جان (2)
.
.
لوح وفانی عشقیله یازدیم اوزوم من
ویرانه یرده قبرینی قازدیم اوزو من
قازدیم دئیدم ایوای بالا
یات راحت اول لایلای بالا
مظلوم حسین جان (2)
.
.
زرین قلم دردون ده میر مشرقینه
بو سوزلریله یاز غریضه ویر حسینه
ای گوهر گنج صفا
ویر بیر برات کربلا
مظلوم حسین جان (2)
.
- سه شنبه
- 30
- مهر
- 1398
- ساعت
- 17:50
- نوشته شده توسط
- ابوالفضل عابدی پور
- شاعر:
-
زرین قلم
ارسال دیدگاه