ای اولان شیعه آقاسی حجة ابن العسکری
جدوین باشلاندی یاسی حجة ابن العسکری
.
آقا مولا عجل علی ظهورک {2}
.
.
.
گئتدی پیغمبر بوگون معبودینون دیدارینه
روحینی ملحق ائدوبدور پیک حق دلدارینه
آغلوری زهرا توکور گوزیاشینی رخسارینه
اوج ائدور عرشه نواسی حجة ابن العسکری
.
.
تا ندا گلدی حرادن دینی آغاز ایلدی
باشلیوب آیات قرانیله اعجاز ایلدی
پرچم حقی جهادیله سرافراز ایلدی
تفلحوا اولدی نداسی حجة ابن العسکری
.
.
آتمیش اوچ ایل ایلدی ذات حقه حمد و ثنا
ایلدی اوز امتین کفر و جهالتدن رها
عمرینی باشه یتوردی حق یولوندا مصطفا
اولمادی هیچ مدعاسی حجة ابن العسکری
.
.
غرق ماتمدور بوگون شیعه آقاسی مرتضا
دودمان مصطفاده باشلانوب شور و نوا
وای بابام وای سسلوری زهرا اولوب غرق عزا
چون گئدوب الدن آتاسی حجة ابن العسکری
.
.
سنده گل یابن الحسن بو غمده سینه داغلیاق
جدوین یاسینده آقا باشه قاره باغلیاق
سن اوزون روضه اوخی هیئتده باهم آغلیاق
قویما خوار اولسون عزاسی حجة ابن العسکری
.
.
دولدی « شیدا » قلبینه بو غمده قان یابن الحسن
گوزیاشیله دردینی ایلور بیان یابن الحسن
تئز ظهور ایله سنه قربان بو جان یابن الحسن
قورتولا باشدان بلاسی حجة ابن العسکری
.
.
- چهارشنبه
- 1
- آبان
- 1398
- ساعت
- 15:3
- نوشته شده توسط
- ابوالفضل عابدی پور
- شاعر:
-
محمدرضا صادقی
ارسال دیدگاه