سبک : آقام آقام آقام آقام ای – سنه فدا آتام آنام ای
.
گل؛قلبیم اولوب قان زینب
یاندی جگریم ؛یان زینب
ای مجتبانین باشدا تاجی
هرچاره سیز دردین علاجی
قارداشیوی درک ایله باجی
.
((گل؛موسم هجراندی زینب
گل گل وجودیم یاندی زینب))
.
.
دنیانی گوزومدن آتدیم
گل؛وصل نگاره چاتدیم
.
گل؛خیمۀ عشقون تالاندی
پیمانه صبرون جالاندی
یاندی وجودیم پارچالاندی
.
((گل؛موسم هجراندی زینب
گل گل وجودیم یاندی زینب))
.
.
ای مرحمتی پاینده
قاسیم قالا قوی ساینده
.
قلبیمده وار باجی بو نیسگیل
مندن صورا ای شمع محفیل
قاسیم گوزوندن گوزیاشین سیل
.
((گل؛موسم هجراندی زینب
گل گل وجودیم یاندی زینب))
.
.
من راهی بزم یارم
ترک ائتماقیوا ناچارم
.
غم تیری قویما قلبی دلسون
امداد ائله قدّیم دوزلسون
سسلن حسینیم داده گلسون
.
((گل؛موسم هجراندی زینب
گل گل وجودیم یاندی زینب))
.
.
صولدی باجی رنگ آلیم
باشسیز قالاجاق اطفالیم
.
ای نقش عشقه تاروپودیم
تفسیر تسبیح و سجودیم
تشتی گتور یاندی وجودیم
.
((گل؛موسم هجراندی زینب
گل گل وجودیم یاندی زینب))
.
.
مندن صورا بوقوم کین
قارداشیوی ایلر تدفین
.
نعشیم قباقینده دوراللار
تابوتیمه اوخ یاغدیراللار
اطفالیمی آغلار قویاللار
.
((گل؛موسم هجراندی زینب
گل گل وجودیم یاندی زینب))
.
- پنج شنبه
- 2
- آبان
- 1398
- ساعت
- 10:28
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه