• چهارشنبه 9 مهر 99


متن شعر ترکی مقامات حضرت اباالفضل (ع) -(طبعیم دیله گل قمری خوشخوانه برابر )

344

طبعیم دیله گل قمری خوشخوانه برابر 
دفترده گل اک لاله ی نعمانه برابر 
نسبت وئرولوبدور بو خبر بحرالعلومه 
چوخلاری بیلر علمینی عمانه برابر 
تحقیق ائلیرمیش نسب اهل یقینی 
اجرین آلا تا روضه ی رضوانه برابر 
سلمانیله عباسی قیاس ایلدی بیرگون 
منصبلرینی گوردی او فرزانه،برابر 
سرگشته گلوبدور حرم شیرخدایه 
دوردی ادبیله شه مردانه برابر 
عرض ایلدی ای میرامم شاه ولایت 
بیر امریله من اولمیشام الانه برابر 
سلمانیله ئوز اوغلون اباالفضل مقامین 
مقیاس ائلدیم گلدیله یان یانه برابر 
 واردور بو قیاسیمده ولی قلبیده تردید 
بو خدمتی قویما اولا خسرانه برابر 
علامه سوزون عرض ائلدی شاه ولایه 
بیر گوشه ده اگلشدی او ایوانه برابر 
یومدی گوزونی ذکر ائلیه خلسیه گئتدی 
رویاده اولوب رتبه ی شایانه برابر 
گوردی دایانوب شاه نجف صحن سراده 
گلدی شرف شاهه ذلیلانه برابر 
علامیه حضرت بله فرمایش ائدوبدور 
عشقین سوزی حاشا گله برهانه برابر 
طاها بویوروبدور بیزه منسوبیدی سلمان 
اخلاصی عملده اولوب ایمانه برابر 
اما گل ائشیت اوغلوم اباالفضل مقامین 
حاشا ملک اولسون بله انسانه برابر 
رافتله بالام قانلی گوزیله کیمه باخسا 
بیر باخماقی ایلر اونی سلمانه برابر 
عباسیدی درمانده لرون پشت وپناهی 
عباسیدی هر دردیده درمانه برابر 
عباسیدی ای خامه ، باتان ماه منور 
 گل عارضی اولدی مه تابانه برابر 
عباسیدی تاج سر شجعان هنرور 
بیر پنجه سی مین سام نریمانه برابر 
عباسیدی لقمانلارا حکمتده مدرس 
شاگردی اولار علمیده لقمانه برابر 
عباسیدی حشمتده اونون گرد قدومی 
سوز یوخ اولی مین تخت سلیمانه برابر 
عباس الینه غبطه ائدر اول ید بیضا 
محشرده بو الدور اولا غفرانه برابر 
سیندیردی بو اللر اوگونی حصر فراتی 
بیر عبد خدا دوردی او دونانه برابر 
روبه لر اگرچه اولا لار گله به گله 
هاردا دایانار سهمیلی اصلانه برابر 
اللردن اوجا حیدر ئوپن ال دولاناردی 
یوخ کیمسه بله تندر و طوفانه برابر 
یابن الحسن عفو ایله آقا سوز بله گلدی 
آهیم اولوری سینه ده افغانه برابر 
زهرا نه گوروبدور دیله گلدی دئدی اوغلوم 
گل سینمه ای یاره لی تن جانه برابر 
حیدر یاراشیق ، انی کورک ، گوزلری شهلا 
 اولدی آلا گوزلر بالا القانه برابر 
گلدی دیله عرض ایلدی ای مام خجسته 
من کوثریلن دورمیشام الانه برابر 
هچ باوری اولمازدی ننم ام بنینون 
اوغلی دایانا مفخر نسوانه برابر 
ازبر دیلیمه اولدی آدون من دیل آچاننان 
یثربده دوراردیم در سوزانه برابر 
گرچه ننه دن سن منه باشسان ننه زهرا 
لطفون منی ائتدی بله عنوانه برابر 
اما گلم هیهات سنون سینوون اوسته 
ای سوز دلی نغمه ی قرآنه برابر 
بو یاره لی پیکر یارالی سینووه قربان 
مسمار ایتی اولسا اولی پیکانه برابر 
خوشدور یخیلام مقدمووه من یوزی اوسته 
علقمده یاتام نهر خروشانه برابر 
ساخلا قلمی (نادر) ئورک قانه دونوبدور 
اولماز بو محن نقطه ی پایانه برابر 

  • پنج شنبه
  • 5
  • دی
  • 1398
  • ساعت
  • 11:39
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران