زینبون ئولور اللری قالوب
سینه سینده نالاندی یا حسین
سن گلن یولا شهر شامیده
دیده سی نگهباندی یا حسین
زینبون پریشاندی یا حسین(2)
.
.
دفتر غمینده یازوب آدون
محضر علیده بیان ایده
گلستانی یاندی نئجه اَخا
غملی سوزلرین ارمغان ایده
گل هرایمه غملی قارداشیم
زینبون بو دنیانی ترک ایده
دل او عشقه قرباندی یا حسین
زینبون پریشاندی یا حسین
.
.
صبریمی الیمدن آلوب غمون
گل حسین بوگون بو دیاره سن
زینبی رضای حقه گوره
جان ویرور اخا آل کناره سن
نعشیمی الونله بو شهریده
عزّتیله گل قوی مزاره سن
گور وجودیم اوتلاندی یا حسین
زینبون جگر قاندی یا حسین
.
.
شامیده منیم یوخدی بیر کسیم
دردیمون دواسی الینده دی
گوزلریم یولوندا قالوب سنون
قانلی پیرهن ایندی منده دی
نه فقط بو «غمکش» گوزی اخا
عالمین گوزی ایندی سنده دی
شاعرون پریشاندی یا حسین
نوحه خوانلارون یاندی یا حسین
- یکشنبه
- 20
- بهمن
- 1398
- ساعت
- 9:24
- نوشته شده توسط
- سید محمد حسینی
ارسال دیدگاه