سلام اولا سنه زینب، سلام غیرتووَه
همیشه عشق، بدهکاریدور قیامتووَه
شکوه قامتوون نُه طبقده شهرتی وار
مُقَدّسات جنان، مات اولوب قَداسَتووَه
حسینیلن ایله که باغلادون مُعاهده وی
خدای عشق ئوزی اَحسن دیدی شراکتووَه
حسینه گر بشریّت ایدور بوگون تعظیم
رَهین لطفیدی مولا سنون شهامتووَه
حَماسه سازترین بانوی جهان سن سن
تمام ما خَلَق اَحسن دیر کرامتووَه
بلا گونینده حسین سینوه قویاندا اَلین
آتون علیده مبارک دیدی امامتووَه
سنون الونده دیریلدی قیام کربُ بلا
مُفاخره ایلدی کعبه استقامتووَه
میان خیمه و مقتلده که قاچاردون سن
دیردی عشق ئوزیده آفرین صداقتووَه
یانوب که خیمه لرون باغلانوبدی غیرت الون
شرافت آینه اولدی سنون اسارتووَه
کلام نَغزیله سن که یزیدی سندردون
دیدی قضا و قَدَر مرحبا بلاغتووَه
- چهارشنبه
- 20
- مرداد
- 1400
- ساعت
- 21:11
- نوشته شده توسط
- یوسف اکبری
- شاعر:
-
سید تقی سیفی اردبیلی
ارسال دیدگاه