• پنج شنبه 1 اسفند 98


متن شعر حضرت فاطمه زهرا سلام الله علیها -(عالم اهلی یازسا زهرانون جلالین سال و ماه )

107
1

عالم اهلی یازسا زهرانون جلالین سال و ماه
یتمز اتمامه وار اوندا ایله شان و عز و جاه
.
بو عزیزه بیر خانمدور وار جهاندا شهرتی
عالم امکاندا تک دور عزّ و جاه و شوکتی
.
بو خانم محبوبه دور عالمده حی داوره
مرتضایه زوجه دور ریحانه  دور پیغمبره
.
کنز عصمت ده اولان درّ شرفدور فاطمه
شأنه باخ دوقّوز آدیله متصف دور فاطمه
.
گر اولا مصحف پیمبر حقّه زهرا سوره دور
یرده اسمی فاطمه گویده آدی منصوره دور
.
صورتاً انسیۀ حورادی جسماً نوردور
حوری لر ایچره بهشته هانیه مشهوردور
.
بیر آدی صدّیقۀ کبرادی بیر اسمی بتول
بیر آدی عذرا بیری زهرا اوزی فخر رسول
.
نور واحددی سالوبلار باطن اسمین ظاهره
خلق آرا مرضیه دور سسلر ملک لر طاهره
.

.
بیله شان و بو جلالت صاحبین آخر فلک
سالدی غوغایه باشین گئتدی الینن تا فدک
.
جور و ظلمیله وجود گلشنین سولدوردولار
حقینی الدن آلوب درگاهینی یاندوردولار
.
روز و شب تیر بلایه سینه سی اولدی هدف
غصّه و غم ایتدی آخر نازنین جسمین تلف
.
اولدی آز عمری جهاندا شاد اولوب بیر گولمدی
دردی نایاب اولدی امّت حیف قدرین بولمدی
.
آغلاسا گنجینه لر بو درده آزدی ماه و سال
بیله گوهر حشر اولونجا عالمه گلسون محال
.
فرقت زهرا ایله پوزدی علینین حالینی
نصف شب دفن ایتدی عالم بولمسین احوالینی
.
وار یری بو نسگله عالم دیسون یا للعجب
هانسی بیر عورت جهاندا دفن اولوبدی نصف شب
.
ایستدی قبره قویا زهرانی شاه ممتحن
لیک او صبریله علی اولدی ایله غرق محن
.
قویدی زهرانین یوزین توپراقه میر مقتدا
هانسی یوز آیا او اوز که سیلی دگمشدی اونا
.
گیزلدوب توپراقدا اوز گنجینۀ آمالینی
یوز دوتوب خاک بقیعه توکدی اشگ آلینی
.
سویلدی ای خاک تیره بو علینون روحیدور
حرمت ایله ساخلا راحت سینه سی مجروحیدور
.
ایلدیم مدفون سنده بو حیا گنجینه سین
جسمین اینجیتمه ایدوب مسمار یاره سینه سین
.
یاتدی بیر خاتون سنده هیکل ناموسیدی
روز و شب روح الامین درگاهینه پابوسیدی
.
گر چه آلام و غمیله دولدوروبلار صدرینی
بیر در نایابیدی بُلموبله اما قدرینی
.
بو سپهر عصمته بیر کوکب تابنده دی
بیر علامت وار یوزونده شرحه دل شرمنده دی
.

  • پنج شنبه
  • 24
  • بهمن
  • 1398
  • ساعت
  • 9:18
  • نوشته شده توسط
  • سید محمد حسینی

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران