عم اوغلی اولمیوب اولماز دل اهلی محنتسیز
دگول دل اهلینون آلام و دردی علتسیز
.
محالیدور تاپا یول کارگاه اسراره
فنا جهانیده فانی اولان مهارتسیز
.
بو بزم بزم محبتدی خلوت ایلمیشوخ
محبتون بلی معناسی یوخدی خلوتسیز
.
اوقدر قالموری عمروم کتابی باغلانسون
ادوربو مطلبی عرض ایلورم عبارتسیز
.
امامیسن هامی اسرار جهره آگهسن
بوعلته گچورم کشفیدن اشارتسیز
.
نچه وصیتیم اما واریمدی شرع دییوب
گرکدی مسلم اولان المیه وصیتسیز
.
صبا یولاندا همان شمعه بنزیرم که اونی
الینده ساخلیا بیررهگذار دقتسیز
.
یقین او شمعی نسیم صبا ایدرخاموش
او رهگذار قالار ظلمت ایچره نصرتسیز
.
فراق الینده همان شمع ته رسیده منم
وصاله باخ اولی پروانه لیک همتسیز
.
ازل بودورمنی گیزلینجه کفن ودفن ایله
مدینه اهلینه روحیم اولوبدی رغبتسیز
.
ویرنده غسلومی قوی کوینگیم قالا تنده
اگرچه اولمیاجاق بو عمل اذیتسیز
.
چخارداسان دوشسن اختیاریدن؛هاردا
فراق یاره دوزر یاری تاب و طاقتسیز
.
ولی ایکینجی وصیت بودورسنه قربان
دگول ایکینجی سفارش یقین مشقتسیز
.
بو دورت گلی کی قالوریادگار زهرادن
مباد اولارقالا گلزاریده طراوتسیز
.
بو دورت امانتیمی ساخلایاعلی چونکه
امین خلق بیر آن اولمیوب امانتسیز
.
یاناندا باغ بو دورت گل قالوب ایاق آتدا
ایاقلیوبلا اوگون زاغیلر خجالتسیز
.
او زینبیله حسن بو حسینیله کلثوم
بلی بلایه دییوبلرغریبه منتسیز
.
نجوم اربعه تک آسمان عشقیمده
اولوللا خط قمردن جدا اعانتسیز
.
دوشور خیالیمه اوضاع دشت کرب وبلا
همان او یر کی حسینیم قالار حمایتسیز
.
دوشنده دایره تنگه مثل نقطه؛آلار
اونون کنارینی اشرارشام مهلتسیز
.
کتاب جسمینه خطاط های کوفه و شام
یازاللا کلک حدیدیله خط کنایتسیز
.
بو شمس شابی تانوللار غزلسرا اما
یازارمدیحه علی آلینه منیتسیز
.
نه چوخدی مدعی شعره ولیک بولموللر
چتین رقم وورا زهرایه هر ولایتسیز
.
.
- پنج شنبه
- 1
- اسفند
- 1398
- ساعت
- 11:38
- نوشته شده توسط
- ابوالفضل عابدی پور
ارسال دیدگاه