نه گوردیلر خلف صدق جعفر صادق
قویوبدی چگنینه بوینون چو بندهٔ لایق
.
دوتوبدی یوز طرف بارگاه حاجاته
آچوب باشین گوتوروب اللرین مناجاته
.
دیردی ای اولان انوار قدسیده پنهان
ائدن دلیلی لرین سرّین آشکار و نهان
.
قیلان منی متحمل جفای زندانه
سالان بلا و غم مین جهانی بیرجانه
.
اولان همیشه دل اولیائیله مأنوس
قیودیدن چیخادوب بنده سین ائدن محبوس
.
سنون جنابیوه گیزلین لر آشکارادور
مقام جلوه گهون هامّیدان مبرّادور
.
دیمه که گوشهٔ زندان آرا هراسیم وار
ولی جناب مقدس دن التماسیم وار
.
نقدر واردی بلا و غمین منه وئره سن
بلا بلا و دالینجا هدیه گوندَرَسن
.
اگر منه وئره سن عمر،تا که دنیا وار
حضور کل ملائکده ایلرم اقرار
.
تمام عمریمی زندان آرا ،تمام ائدرم
مقام عشقیمی مشهور خاص و عام ائدرم
.
بلا منه نه قدر گلسه اشتیاقیم وار
بو کونده ده چوروسون هر نقدر جانیم وار
.
نعوذُبِالله ائدم شکوه یار و اغیاره
اگر مدام ائده زنجیر بوینومی پاره
.
تمام گللریمی آتمیشام سنی دوتارام
دمیر قفسده قوری یئرده حشره دین یاتارام
.
چراغ ایستمیرم خوشدی گر یئریم اولا تار
آز اگلشور ایشیق ائوده گلنده گیزلین یار
.
سنق گوگللّریوین چوخدی حبسیده ثمری
قفسده تئز یتشور مرغ پرشکسته پری
.
سنیله عهد ائدرم ای خدای حلّ و حرم
نه قدر واردی بلا جانیمه قبول ائدرم
.
که سنده عهد ائده سن عرصهٔ قیامتده
او گونده قویمیاسان بیزلری شماتتده
.
اولار که بیزلره ساخلالّا ایل به ایل ماتم
بیزیله ایلیه سن قصر خلدیده همدم
.
خصوص او شیعه لرون که گلولّه افغانه
عزا دوتوبدیلا جدّیم حسین عطشانه
.
باغشلا هر نه وار اونلارین گنه کارین
بیزیله حشره گتور دسته دسته زوّارین
.
علی الخصوص خدا، ذاکر ذلیلِ حسین
خلاص اولماقینی ایستوری «دخیل» حسین
.
اونی باغیشلا خدایا بو چشم گریانه
بو کونده ایله،بو زنجیریله،بو زندانه
.
نئجه روادی که باب الحوائج آدون اولان
«دخیلون» ائتمیه سن بیرجه حاجتینی روا
.
- پنج شنبه
- 29
- اسفند
- 1398
- ساعت
- 14:19
- نوشته شده توسط
- ابوالفضل عابدی پور
ارسال دیدگاه