یر اوستونی غبار غم دوتوبدی یابن العسکری
شقاوت اهلی باب ظلم آچوبدی یابن العسکری
غریب امامه چوخ جفا ایدوبدی سند نابکار
بلا خدنگی قلبینه ساچوبدی یابن العسکری
.
واغربتا وا حسرتا واغربتا واحسرتا
آقام آقام آقام آقام آقام آقام آقام آقام
.
.
.
گتوردی الده نچه زهریلی رطب او بیحیا
باشوندا شوم و نا روا خیالی واردی گوئیا
ایاق قویوبدی محبس امامه اظطرابیلن
گوروب سجود ایدوب خدای داوره او مقتدا
.
واغربتا وا حسرتا واغربتا واحسرتا
آقام آقام آقام آقام آقام آقام آقام آقام
.
.
.
اول ایشی بو اولدی باب ظلمی چکدی باغلادی
دیوبدی بس که ناسزا دل امامی داغلادی
رطبلر الده تا اله آلوبدی تازیانه سین
نلر اولوب دینمورم که عرش داور آغلادی
.
واغربتا وا حسرتا واغربتا واحسرتا
آقام آقام آقام آقام آقام آقام آقام آقام
.
.
.
همین که میل ایدوب رطب یانوب دیلی اسوب دیزی
خزان اولوندی باغ عمری گوئیا سولوب یوزی
ایکی الی باشوندا فاطمه گلوب جنانیدن
دیلونده وای اوغول عذاره خون دل توکور گوزی
.
واغربتا واحسرتا واغربتا واحسرتا
آقام آقام آقام آقام آقام آقام آقام آقام
.
.
.
پوزولدی حالی یوخ امیدی عمرینون قوامینه
شهادته یتوب آقام عدو چاتوب مرامینه
داغ اوسته داغ وریلدی یاندی قلب زار فاطمه
یتوبدی سند شاهکی ده لقمه حرامینه
.
واغربتا وا حسرتا واغربتا واحسرتا
آقام آقام آقام آقام آقام آقام آقام آقام
.
.
.
ایشیت اوغول آناسینون بو گونده کی نواسینی
اوجاتدی فاطمه یانقلی وای اوغول صداسینی
یانوندا کاش اولیدی اوغلی گوزلرونی باغلیا
گلوب قیزی آتایه گوستریدی بیر وفاسینی
.
واغربتا واحسرتا واغربتا واحسرتا
آقام آقام آقام آقام آقام آقام آقام آقام
.
.
.
قوری یر اوسته غربت ایلده نسگیلیله جان ویروب
وفای آل مصطفانی عالمه نشان ویروب
الستیدن اولوبلا فدیه حقیله دیانته
خصوص جدی کربلاده یاخشی امتحان ویروب
.
واغربتا واحسرتا واغربتا واحسرتا
آقام آقام آقام آقام آقام آقام آقام آقام
.
.
.
امان او وقتیدن خیامیدن اوجالدی همهمه
بالالار اوز قویوبدی چوللره او گون سراسیمه
آتون دوشونده قاچدی پا برهنه طفل خرد سال
قالوبدی نیلسون بو امره بانوی مکرمه
.
واغربتا وا حسرتا واغربتا واحسرتا
آقام آقام آقام آقام آقام آقام آقام آقام
.
.
.
دیلونده (زلفی) ازبر ایله واژه محبتی
تمام شوق و ذوقیله ادامه ویر کتابتی
مطالبونده وار یقین ائمه نون عنایتی
مجالس عزاده شوریله چاغور بو صحبتی
.
واغربتا وا حسرتا واغربتا واحسرتا
آقام آقام آقام آقام آقام آقام آقام آقام
.
.
- پنج شنبه
- 29
- اسفند
- 1398
- ساعت
- 14:22
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه