سندِ ظالمین الیندن گلدیم الامانه الله
یوخ دئین که رحم قیل بو پیر ناتوانه الله
.
.
اون بیر ایلدی بو مکاندا مونسیم اولوبدی غملر
حالیمه یانان تاپیلمیر خاطریم اولوب مکدر
چوخ منه ستم ائدیب بو سندی ظالم ستمگر
پیکریم اسیر گورنده الده تازیانه الله
.
.
وار ایاقلاریمدا کنده بوینوما ویریبلا زنجیر
محبسین هواسی ائیلیب من غریب زارو دلگیر
تنگه گلمیشم بو یئرده اولموشام بو جانیدن سیر
کیم دوزر بو قدر جور و ظلم جانستانه الله
.
.
گور نئجه شقی بو هارون منله ائیلییر عداوت
یوخ دئین غریب امامه ائتمه بیر بئله اذیت
بو ستمگرین او قدری قلبینی دوتوب قساوت
عالم بقانی بیلمیر مست اولوب جهانه الله
.
.
حالیمه منیم بو یئرده سن سن ای خدا گواهیم
بیر قوجا غریب امامم ذره یوخ منیم گناهیم
یوخدی سندن آیری کیمسه بیر پناه و داد خواهیم
سن قوتار منی بو غمدن دویموشام بو جانه الله
.
.
ای خدا اوزون بیلیرسن زار و پیر ناتوانم
محبس جفاده جانیم تنگه گلدی باغری قانم
دلشکسته قیزلاریمدان اون بیر ایلدی ناگرانم
قووزانور شرار آهیم دودی آسمانه الله
.
.
اون بیر ایل منی بو هارون سالدی رنج بی شماره
دوزموشم بو اون بیر ایلده بیر بئله غم و فشاره
نیسگیلیم بودور که اولسم کیم قویار منی مزاره
جان وئرنده باشیم اوسته کیم گلر فغانه الله
.
.
کاش آنام گلیب او حالده بو غریبه آغلیایدی
وای غریب بالام دئییدی بوردا سینه داغلیایدی
جان وئرنده اوز الیله گوزلریمی باغلیایدی
اوخشیایدی من غریب زار و باغری قانه الله
.
.
هم بالام رضا گلیدی روبه قبله دوندریدی
دفن و کفنیمی ائدیدی غسلومی اوزی وئریدی
هم ایاقلاریدا کنده یاره سین آنام گوریدی
آغلیایدیلار منه بو یئرده یانه یانه الله
.
.
کنده زنجیرین عذابی جسمیمی سالیب رمقدن
اوخشور اول کتابه جسمیم جلدی آیریلار ورقدن
قوخموری شقی بو هارون دادگاه روز حقدن
اعتقادی یوخ معاده آند اولا قرآنه الله
.
.
قنبری گورنده محبس نی کیمین گلر نوایه
یاد ائدر غریب امامی آهی اوج ائدر سمایه
گوز یاشی توکر عذاره آغلار آل مصطفایه
محشره گلنده اولسون الده بیر بهانه الله
.
- شنبه
- 2
- فروردین
- 1399
- ساعت
- 21:27
- نوشته شده توسط
- ابوالفضل عابدی پور
- شاعر:
-
اکبر قنبری تیکمه داش
ارسال دیدگاه