بحر غیرتده اولان گوهر یکدانه علی
شیعه لر فخر ائلیر سن کیمی سلطانه علی
بَشَرًُ کیفَ بَشَر سن یوخدی دنیاده تایین
داخی گلمز سنه تای ، عالم امکانه علی
سنی تشبیه ائلیک شمع فروزانه اگر
هامی عالم اولاجاق شمعیوه پروانه علی
اولموشام مست می جام کرم ، چاره ندور
ائت کرم لطفیله وئر نوکره پیمانه علی
سنه الله دئمرم اللهیمیز تکدی ، ولی
سنه انساندا دئمم آنداولا ایمانه علی
صَدَفِ عشقه سنی دُرِّ زَرَفشان دیرم
طلعتون بنزِیوری چون دُرِّ رخشانه علی
نئچه ائللردی سنون عاشقیوم شاهِ کَرم
اولموشام عشقیده من گور نئجه دیوانه علی
قاپیوین نوکریم شاهلارا من ناز ائدورم
چون قاپون ناز ائلیور روضه ی رضوانه علی
- شنبه
- 10
- آبان
- 1399
- ساعت
- 22:48
- نوشته شده توسط
- یوسف اکبری
- شاعر:
-
ابراهیم تون خوش قلم
ارسال دیدگاه