کیم اولوب سد رهی عالم اونا تار اولدی
گردنی طعمه شمشیر علمدار اولدی
آغلیوب گویده باشی جسمه عزادار اولدی
روزمحشر ایله بیل اوردا پدیدار اولدی
گورمیوب چرخ کهنسال بیله پیکاری
فن پیکاری بونون طنطنه افلاکه سالوب
بعضی القانه باتوب بعضی ایاق آلتدا قالوب
بارک الله سسی تلّیدن عرشه اوجالوب
مرحبا نوکره کی احسنی مولادن آلوب
دلبره خوشدی کی راضی ایلسون دلداری
بیری دی یاللعجب شیوه پیکاره باخون
بیری دی شیر دوتان خنجر خونخواره باخون
جنگی بوشلا بیری دی قوه لی قوللاره باخون
دیدی احزابی گورن حیدر کراره باخون
بو علی مثلی سالار تپراقا مین سرداری
- یکشنبه
- 11
- آبان
- 1399
- ساعت
- 15:39
- نوشته شده توسط
- یوسف اکبری
ارسال دیدگاه