کنار نحرده دوشدی
باشیم غوغایه آی قارداش
بلاسی باشمین حاشا
گله انشایه آی قارداش
.
کسلدی اللریم السیز دولاندیم قانلی میداندا
ساق ال قطع اولدی بیریاندا صول ال ده دوشدی بیریاندا
یامان وقته حصار اولدوم حصار قوم عدواندا
مقابل اولدی بیر لشگر من تنهایه آی قارداش
.
قاچان لشگر دوشوب نظمه آلیب اطرافمی دشمن
توکولدی اوستومه پیکان الیمده اولمادی جوشن
یانارسان نار حسرتده ابوالفضلی گلیب گورسن
خسوف قان چکیب پرده ایشقلی آیه آی قارداش
.
چکیب قان گوزلره پرده نه اوخ نه نیزه نی گوردوم
نه گوردوم داش آتانی نه عمود آهنی گوردوم
آچلمش دیدهٔ قلبیم جهاندان بیر سنی گوردوم
ایله لب تشنیم سنده اولان مینایه آی قارداش
.
ایدیبدیر جسمیمی شانشان جفاسی قوم نامردین
وورار بی واهمه واردور الینده حربه هر فردین
ایله عشقنده غرقم کی یارانین بیلمیرم دردین
تحمّل ایلرم مینلر بیله ایذایه آی قارداش
.
سرور و عشقله خدمت ایدردیم آل اطهاره
تلاش ایتدیم کی سو چاتسین خیمده تشنه قزلاره
گلیب ناگه بیر اوخ دگدی سو مشکین ایلدی پاره
باخیب یاندیم سودا آخدی دل صحرایه آی قارداش
.
باشمدا اولمادی خودیم ئورک چوخ بیقرار اولدی
دگنده باشمه ضربت جهان دیده مده تار اولدی
یخلدیم عرش زین اوستن وجودیم خاکسار اولدی
منیم یوخ اللریم فرصت یتوب اعدایه آی قارداش
.
گورنمم هئچ یانی قارداش گوزومده لخته قان واردی
گورنمم داش آتان کیمدی و یا نیزه ووران واردی
بیانه گلمین حالیم نچه درد گران واردی
یارالی باشمی سالدی فلک سودایه آی قارداش
.
بو قان اولموش سنخ قلبیم شمادتدن اولوب یاره
ئورک دردین بیان ایلیم نیازیم واردی غمخواره
گلایم یوخ وجودیم دوغرانیب گر اولسا صد پاره
شمادت شعله سی دوشدی دل شیدایه آی قارداش
.
دوشنده عرش زین اوستن ایاقیم زینه بند اولدی
پوزولدی نقشهٔ صورت اخا دردیم دو چند اولدی
داغلدی پیکریم ، امّا خوشام زهرا پسند اولدی
بو پیکرده فدا باشدا آنام زهرایه آی قارداش
.
سنه من عاشقم سن سن وقاریم دین و ایمانیم
سنیله دائماً اولدی تمام خلقه رجحانیم
چخیر جان لطف ایله تز گل قاباقندا چخا جانیم
یاخندی پر آچا روحیم اوچا طوبایه آی قارداش
.
کرم قیل مستفیض ایله منی چاتدیر مباهاته
سنه من عاشقم سنسیز نیازیم یوخدی جنّاته
ئوزون گل گور ابوالفضلین دوشوب نه نوعی میقاته
تماشا ایلوم آخر دم رخ زیبایه آی قارداش
.
گوزل طرح ایلیوب حسن جمالیم خبره نقّاشم
دوتولموش قان خسوفنده شها ماه بنی هاشم
باشمدا چوخ یارام واردور دایانماز نیزده باشم
کفایت ایلدیم باشدان فقط ایمایه آی قارداش
.
شها لب تشنیم ئوللم سوسوز ، سو ایچمرم سنسیز
بهشته ایتسه لر دعوت دایاننام گچمرم سنسیز
حیاتی خوشلورام سنله زر اولسا سئچمرم سنسیز
یارالی باشمه لطف ایت ئوزون سال سایه آی قارداش
.
اجازه ویر (هدایت) ده بو درگهده قدم وورسون
توجّه قیل مصیباتون چکیب نظمه رقم وورسون
قاپوندا ساخلا قوی صبح و مسا یانسین قلم وورسون
اونی قویما یانا درد و غم دنیایه آی قارداش
- شنبه
- 5
- مرداد
- 1398
- ساعت
- 14:24
- نوشته شده توسط
- ابوالفضل عابدی پور
- شاعر:
-
محمد هدایتی
ارسال دیدگاه