ای منیم بو چولده یاوریم ابوالفضل
ظلم الیله سیندی شهپریم ابوالفضل
وای یارالی قارداشیم
قان اولوبدی گوز یاشیم
دور ایاقه قارداش
ای مه منیر عرصه شهادت
خیمه لرده سن‌سیز باشلانوب قیامت
غم یمه سو یوخدی چکمه چوخ خجالت
سن ره وفاده باشیمی اوجاتدون
حیف اولا یارالی تپراق اوسته یاتدون
یاتماقونلا قارداش سن منی قوجاتدون
وای یارالی قارداشیم
قان اولوبدی گوز یاشیم
دور ایاقه قارداش
خیمه لرده قارداش بحر غم داشاندا
شدت عطشدن قیزلار آغلاشاندا
دلخوشام ابوالفضل تلّی سن آشاندا
اللرون اوزولدی قارداشیم الیمدن
دوتموشام برادر بو سینان بلیمدن
سالمارام یارالی آدوی دیلیمدن
وای یارالی قارداشیم
قان اولوبدی گوز یاشیم
دور ایاقه قارداش
من دئمم بو تلّی بیر دوروب آشیدوک
یا اولیدی امکان بیر قوجاخلاشیدوک
زینبه ابوالفضل باهم آغلاشیدوک
من بو گون سحردن غملره دچارم
قالموری کمکلر محنته شکارم
سنده گئتسن ایندی یوخدی آیری چارم
وای یارالی قارداشیم
قان اولوبدی گوز یاشیم
دور ایاقه قارداش
گوزلوری یولوی خیرداجا اوشاقلار
سیل اشکی زینب گول عذاره باغلار
اصغرین آناسی ایندی سینه داغلار
ای ایشیقلی ماهیم سرعتیله باتما
بو غریبی قارداش قانلی گوزدن آتما
دور گئدک ابوالفضل توپراق اوسته یاتما
وای یارالی قارداشیم
قان اولوبدی گوز یاشیم
دور ایاقه قارداش
- دوشنبه
- 12
- آبان
- 1399
- ساعت
- 16:28
- نوشته شده توسط
- یوسف اکبری
- شاعر:
-
مهدی عبادی(بیکس)
ارسال دیدگاه