خرابه شامیده از بس اقامت ایلمیشم
نقدر ظلم اولونوب استقامت ایلمیشم
او قدری صبر ایلدیم صبری حیرته سالدیم
ثباتِ صبریده برپا قیامت ایلمیشم
یزید ایوینده بابام حبسدی ، خلاص ایلدیم
بو خسته جانیملن من ضمانت ایلمیشم
دوداقلاری یارالیدی ، دانشمادی مندن
بو اللریله او باشه طبابت ایلمیشم
گلنده من بو دیاره مریض گلمیشدیم
همیشه قالماقا قصدِ اقامت ایلمیشم
اوزوم اگر چه مریضم ، ولی مریضیم وار
او ناخوشی بوش الیله طبابت ایلمیشم
توانیم اولسا بو زنجیری بوینوما سالّام
بو گون کی عشقده منده شراکت ایلمیشم
گلییدی شیعه لریم بیر گوریدیلر هامیسی
خرابه نی نجه عالی عمارت ایلمیشم
خرابه توپراقینی ایگلرم گهی اوپرم
بابام باشینی بو یرده زیارت ایلمیشم
شاعر:مرحوم حسن فراهتی(جهازچی)
- چهارشنبه
- 14
- آبان
- 1399
- ساعت
- 17:46
- نوشته شده توسط
- یوسف اکبری
ارسال دیدگاه