ای وفاده یگانه یا عباس

مرتضادن نشانه یا عباس

پاک اورکلرده حشر اولونجا آدین

قالاجاق جاودانه یا عباس

شیر میدان کربلادور آدین

قهرمانسان جهانه یا عباس

درس ایثار و غیرت و شرفی

ویرموسن عارفانه یا عباس

بیرده هیهات سن تک عاشق اولان

گوره چشم زمانه یا عباس

جنگ صفّینیده وفا علمون

قوزادون آسمانه یا عباس

قالدی حیرتده جنّ و انس و ملک

سن ویرن امتحانه یا عباس

اولا قربان بو آغلیان گوزوموز

سن کیمی قهرمانه یا عباس

صولتوندن عدو باخانمازیدی

سن اولان پادگانه یا عباس

تک باشا کربلاده بیر اِیلیدون

او گوزل خاندانه یا عباس

ماریده نیزه نی وُران اَل اُولوب

بوسه گه قدسیانه یا عباس

دشمن ایستوردی دام حیله قورا

اولدی نامه بهانه یا عباس

بیر امان نامه جیرماقیلا اوگون

گتدین عشقین عیانه یا عباس

شمره تل اوسته بیر عتاب ایلدون

چکدی قلبی زبانه یا عباس

جیره خوار یزیده ویرمدون ال

سینمادون کوفیانه یا عباس

سنه عشق عاشق اولدی غیرتیوه

سسلدی عاشقانه یا عباس

ظلمه باش اَگمدون اوجالدی باشین

چخدی نوک سنانه یا عباس

مرکب اُوستن دوشنده قتلگهه

گلدی زهرا فغانه یا عباس

آلدی اَدرک سسین خیمده حسین

سسله دی یانه یانه یا عباس

حامی دین مصطفی سن سن

شأن و عزّ و وقاریوه اَحسن

کوه محکم سن استقامتده

حیدر ثانی سن شجاعتده

دورد امام اللریندن اوپدی سنون

کیمدی همتا سنه سعادتده

گوره عالملرین گوزی هیهات

بیر علمدار سن رشادتده

سنکه ویردون فراته بیدقیوی

کفری غرق ایلدون نهایتده

گر دولا قهرمانیله یر اوزی

بیری چاتماز سنه شرافتده

هر دمون دم ویرر مین عیسایه

کاشف الکربسن طبابتده

سن حسین ابن فاطمه محنون

برطرف قیلموسان ملالتده

حاتمی مات ایدر سنون کرمون

آقاسان حاتمه کرامتده