گوزوم دویمادی سندن آنام جانی رقیّه
وئروب جان وطن ائتدون بو ویرانی رقیّه
دعای ظفر ایلور اسیران سنه خاطر
وئرور مژده رحمت بشیران سنه خاطر
که آباد اولاجاقدی بو ویران سنه خاطر
ملکلردی بو قبرین نگهبانی رقیّه
خداحافظ عزیزیم یولا قافله دوشدی
بی بوندن آرالاندون عجب فاصله دوشدی
ولی گئتمز اورکدن بیر آد که دله دوشدی
که مجذوب ائدوب عشقون محبّانی رقیّه
سنون شامه گلنده قابار اولدی ایاقون
بو یرده شب وصله دونوب صبح فراقون
او قدری یولا باخدون بابان اولدی قوناقون
دوروب باغریوا باسدون او مهمانی رقیّه
دئمه غربته دوشدوم بو قبره گلن اولماز
جلالون ائله آرتار که مثلین گورن اولماز
بی بون زینبه سنسیز مدینه وطن اولماز
آتار مرغ خیالیم او سامانی رقیّه
قیزیم یثربه گئتسم دوباره گلرم من
بو قبرین ئوز الیمله غبارین سیلرم من
سنون تک وطنیمده اوزاقدا ئولرم من
چکر شامه علاقه ن بونالانی رقیّه
گئدوب قالمادون آخر من بیکسه سنده
آنام یادیمه دوشدی سنی دفن ایلینده
باخوب سیلی نشانین جمالونده گورنده
داغیتدیم یوزه زلف پریشانی رقیّه
گوزل همسفریم دور گل آهیله نوایه
که یولداشلارون ایندی گئدور کرب و بلایه
گئداخ زجریدن ایله ابوالفضله شکایت
توکوب گزیاشین آغلات او سقّانی رقیه
- دوشنبه
- 19
- آبان
- 1399
- ساعت
- 16:39
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه