دورایاقه ای سویگولوم حسین
عاشق پریشانوم سنون
کاروان گلوب اربعین گونی
قبرون اوسته مهمانوم سنون
ای عزیز زهرا
جان یارالی قارداش
نورچشم طاها
جان یارالی قارداش
ای بودشتی رضوانه دؤندرن
مقتلی گلستانه دؤندرن
زینبین اوجاقدّوقامتین
فرقتینده چوگانه دؤندرن
حق یولوندالب تشنه جان وئروب
باغریمی منیم قانه دؤندرن
ای جفاالیله سولان گلوم
بلبل غزلخوانوم سنون
من قدم قویان گون بوعالمه
بیرباخشدادوشدی گوزوم سنه
اللی دوردایل عشقونله خو تاپوب
وئرمیشم حسین دل ئوزوم سنه
وای منه دانشدیرموسان نیه
واراورکده گیزلین سوزوم سنه
قورتولوب اگرچه اسارتیم
من اسیرهجرانوم سنون
کوفیه گئدنده قطاریمیز
حالیمه منیم داغ داش آغلادی
یادیمه گچن گونلریم دوشوب
اولدی کیم منه یولداش آغلادی
ناقه ده هرای چکدیم آغلادیم
نیزه ده یارالی باش آغلادی
تااوجالدی قرآن سسون دئدیم
گل یارالی قربانوم سنون
باشیوی کسن وقته اشقیا
دوشدوقون یری گلدیم آختارام
غیرتیم قبول ائتمدی حسین
باشیمی آچوب شمره یالوارام
قانلی گوزلرون باغلیانمادیم
توختامازمنیم دلده کی یارام
زینبم غمونده قوجالموشام
یارِدیده گریانوم سنون
قرخ گونون فراقی یوروب منی
غم گلوب حسینیم غم اوستونه
گلدیم ایندی شش گوشه قبریوین
نصب ائدم قراپرچم اوستونه
ای منیم امیدیم نه یاتموسان
دورالیوی قوی سینم اوستونه
سائلون گلوب ائتمه ناامید
مستحق احسانوم سنون
کربلاقوناقلاری گورنجه
گوزده شامیدن اشک غم گلر
آد به آد چاغورما بالالارون
سایسان عترتون عدّه کم گلر
گر دئسن رقیم هایاندادی
نالیه بواهل حرم گلر
واردی اعتذاریم نجه دیوم
سرپرست طفلانوم سنون
غم چکن بالام قانلی باشیوی
تاقوجاقه آلدی خرابه ده
وای دیوب اویاتدی یاتانلاری
ناله سی اوجالدی خرابه ده
کارواندان آیری دوشوب بالام
خرداقبری قالدی خرابه ده
غصه لی گئدوب غملی گلمیشم
پای بندپیمانوم سنون
- پنج شنبه
- 22
- آبان
- 1399
- ساعت
- 17:39
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه