رقیه ای گل نازیم
منیم ای محرم رازیم
رقیّم وای رقیّم وای
بالام لایلای گلوم لایلای
منی گوزدن آتان لایلای
قوری یرده یاتان لایلای
توزا زلفی باتان لایلای
بالام لایلای گلوم لایلای
سالان ای عمّه سین درده
ایاقه دور گلن بیرده
یاز اکبر آدینی یرده
بالام لایلای گلوم لایلای
قالان چوللرده سرگردان
قویان ای عمه سین حیران
گیدن قارداشینه مهمان
بالام لایلای گلوم لایلای
واریمدی خجلتیم سندن
گلیلی گیتدون عمّندن
بابان چوخ ایستدون مندن
بالام لایلای گلوم لایلای
بهار ابری کیمی دولدون
سارالدودن گلی کیمی سولدون
یتیم اولدون اسیر اولدون
بالام لایلای گلوم لایلای
یارالی بلبلوم لایلای
سولان غنچه گلوم لایلای
اولوب ورد دلیم لایلای
بالام لایلای گلوم لایلای
سن ئولدون فکریمی آزدیم
گوزل قبرون اوزوم قازدیم
بو قبره باش داشی یازدیم
بابام لایلای گلوم لایلای
او دریا صبریوه قربان
آغ اوزده ابریوه قربان
بو توزلی قبریوه قربان
بالام لایلای گلوم لایلای
آناندان عطروى آلّام
باشیما قاره وی سالّام
قیزیم سنسیز ملرقاللام
بالام لایلای گلوم لایلای
سنه گریاندى ائللرده
قالان ای آدی دیللرده
قالوب گوشوارون اللرده
بالام لایلای گلوم لایلای
دیدون هر سوز باشی ایوای
گینه دور غملروندن سای
دوروب دئ اصغره لایلای
بالام لایلای گلوم لایلای
آنان باشه قرا باغلار
قویوبسان عمه وی آغلار
چکوبسن سینمه داغلار
بالام لایلای گلوم لایلای
- چهارشنبه
- 28
- آبان
- 1399
- ساعت
- 12:25
- نوشته شده توسط
- یوسف اکبری
- شاعر:
-
حسین حسنی افشرد
ارسال دیدگاه