ای رقیه ای گل باغ حسین بن علی
صورت ماهینده روی ماه زهرا منجلی
گول یوزی حتی که ماه آسماندان گورملی
اوچ یاشیندا تاپموسان عالی مقام و منصبی
اولموسان باب الحوائج ای ربابین کوکبی
خیردا قبرایچره یاتان واردی بویوک شخصیتون
عالمی حیران ایدوب جاه وجلال و شوکتون
شوره گتدی دیللری باشونده شورو همتون
بیربیله خصلتلرون ثابت ایدور آزاده سن
زینب عموندی عمون عباس حیدرزاده سن
منزل ویرانه نی عشقیله آباد ایلدون
قدرت پوشالی سفیانی برباد ایلدون
سن اسیر اولدون ولی دنیانی آزاد ایلدون
قلبلرده شور عشقونله گینه طوفان ایله
اهل مجلس دردینه لطفونله سن درمان ایله
- چهارشنبه
- 28
- آبان
- 1399
- ساعت
- 12:49
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه