رحلت ائتدون دیده گریان دار محنتدن خانم
سلب تاب ائتدون ولی شاه ولایتدن خانم
مرتضانین گوزلرین بوغمده گریان ایلدون
صبرو تاب قلبینی هجرونله تالان ایلدون
روز و شب شغلون جهاندا آه و افغان ایلدون
اود دوتوب یاندی وجودی نار محنتدن خانم
گور امامین قلبینی بوغصه پژمان ائیلمز؟
یار ایدنده نسگلون حالین پریشان ائیلمز؟
گوزلرینده گوز یاشین چون ابر نیسان ائیلمز؟
صورتونده گورسه محنت بارعلامتدن خانم
سانما بو دل یاندیران نار غمی آسان سانوب
قصۀ مسمار و دردن اود دوتوب نی تک یانوب
روز و شب نار همیّتدن درونی اودلانوب
سرّین اظهارائتمیوب لكن اصالتدن خانم
گور نه چکدی روز بیعت اول شه والاتبار
محرمین نامحرم ایچره ویردیلار قوم شرار
پست امّت محترم درباریوی یاندیردیلار
صبر قیلدی چیخمادی امر وصیّتدن خانم
شمع سوزان تک ولی دائم اولاردی شعله بار
دود آهی روزگارین ائیلمشدی تیره تار
سوز قلبین بیر نفر بولمزدی غیر از کردگار
چون اوزاقدور بو سجایای مروّتدن خانم
صحنه چیخدی ناگهان گوردی سنی پژمرده حال
هر طرفدن اول شهی غرق ائتدی دریای ملال
ساحله چکسون اوزون اولدی اودم امر محال
چاره سیز ویردی عبایه چنگ شدتدن خانم
هر قدمده کاخ جور و ظلمی بر باد ایلدی
دین اساسین علم و تدبیریله آباد ایلدی
حفظ ناموس وحجابه خلقی ارشاد ایلدی
گر آییق قلب اولسا درک ایلر اشارتدن خانم
تحت جوروظلمه گئتمزدی چون اول صهر رسول
بوینونا ایپ سالدی ظلمیله او دور قوم جهول
چون رضای حقّیدور اولمازدی هرگز دل ملول
وضع حالون لیک اونی سالمیشدی طاقتدن خانم
خلقی اغوا ائتدی ثانی هیأت بوبكریله
بیعته چکدی علی المرتضانی قهریله
دینون استقلالین حفظ ائتدی عم اوغلون صبریله
کیم دیردی مرتضی دوشموشدی قدرتدن خانم
شیره روبه لر جری اولسا اگرچه سختیدور
لیک شیرهر حالیده اولسا همایون بختیدور
مرتضا توپراقلار اوسته شاه تاج و تختیدور
مرتضا شأنی آزالماز بو اهانتدن خانم
گر مقیّد اولماسیدی قید حقّیله على
باغلانا بولمزدی بند جور و ظلمیله الى
چکدیلر قول باغلى تحت ظلمه زوریله ولی
ظلمی ایجاب ائتمدی فرط عدالتدن خانم
گرچه دوزدی دین یولوندا هر چتین رنج وغمه
گوندوزون قنفذ ولی دوندردی لیل مظلمه
بیرائله بی شرم وبی دین بیرده گلمز عالمه
یاندی عالم ائتدیقی ظلم و جسارتدن خانم
مرتضا باخسین ، عیالین دؤیسون اول بی شرم رو
مهبط وحیه و یا ویرسونله حکم حرّقوا
محرمی ظلمیله اولسون درد سقطه روبرو
قلب زاری اولدى قان بو هتک حرمتدن خانم
وجه وجه الَّهده اما قالمادی موی سیاه
آز زماندا موسفید اولدی اوشاه عزّوجاه
شاه دینه محرم اسرار اولوندی قعر چاه
دردینی سندنده گیزلتدی خجالتدن خانم
چوخ اذیتلر اهالیدن گوروب اول شهریار
هتک حرمت دائماً ایلردی قوم بدشعار
ائتمدی ظاهر مبادا خاطرون اولسون فگار
چوخ اهانتلر یتوب نادان جماعتدن خانم
بیرامامیکه وجودی مفخر کل انام
عالم اسلامه زینت افتخار خاص وعام
بیله ذی شانه ولی جهّال وئرمزدی سلام
گور نه کج رفتار ائدوب امّت جهالتدن خانم
یتدی اما سمعوه بیرگون بوامر ناروا
خاطرون بو سوزده چوخ غملندی ای كان وفا
تا اوزی گلدی عم اوغلون ایلدون اظهار اونا
چاره سیز سوز آچدی دردون آرتدی صحبتدن خانم
خانۀ بوبکره ایکاش ائتمییدون سن گذر
اولمییدی کاش یولدا روبرو سنله عمر
ظلم ثانی گل یوزونده قویمییدی کاش اثر
وای او سیلی دن نجه دگدی او صورتدن خانم
کاش اوگون برهم یییدی نظم چرخ کجمدار
ظلم ثانیدن قولاقون اولمییدی زخمدار
مرتضایه بوجسارت اولمییدی آشکار
چوخ اوزاقدور بوعمل شرم وشرافتدن خانم
گر او بی دین بو خلافی ائتمه سیدی آشکار
سن گلایه بابی آچمازدون علیدن زینهار
بوگلایه شاه دینی ایلمزدی شرمسار
سن اوزون ناراحت اولمازدون ندامتدن خانم
ای اولان نخل نبّوت شاخه سینده خوش ثمر
وی رسول اکرمه آرام دل نور بصر
گوز تیکوب «زرّین» سنون احسانیوه با چشم تر
ایلمه محروم محشرده شفاعتدن خانم
- شنبه
- 1
- آذر
- 1399
- ساعت
- 22:18
- نوشته شده توسط
- یوسف اکبری
- شاعر:
-
حاج اسماعیل زرین
ارسال دیدگاه