ختم رسل یتنده خدانون شهودینه
تاپشوردی عترتیله کتابین جنودینه
پاکوب کینه ایتدی وصایانی امّتى
رجعت ایدوبله جهل و عناد یهودینه
سانموبلا عترت حرمیتینی امّت نبى
باخموب عواقبينده زیانیله سودینه
ایش یتدی بیر مقامه که اوتلاندی باب وحی
زهرا نواسی یتدی نهایت صعودینه
لطمه یتوردی خار ستم تار و پودینه
تبدیل ایدوب قیامنی سروین قعودینه
بیر نوع ضعفدیدی او نیلوفری بدن
سنگین اولوردی پیرهنی گل وجودینه
گلشنده یاس و نسترنه اود ووروب غمی
هر چند گوز ساتاشمادی روی کبودینه
دردآشنا تاپاتمادی بیر دردینی دییه
یوخ کیمسه تا قولاخ ویره گفت و شنودینه
چوخ احتیاط ایدردی علیدن حجابیله
تا گوز ساتاشماسین او رخ نیل سودینه
اذيَت ویروردی سقط اثری، سینه یاره سی
هر دمده جان ویروردی کاَنَّهْ ودودينه
محبوس اولوردی سینه ده هر بیر نفس، نفس
حتّى نفس ده رنج ویروردی وجودینه
هر چند راغبیدی خانم چوخ سجود ایده
مانع اولوردی یاره ولیکن سجودینه
ثانی او گونکه چکدی اوتا باب رحمتی
آتش وورولدی یکسره بود و نبودینه
یعنی که یاندروبدی بوتون گل لرین اونون
گل کربلایه سیر ایله ظلم جهودینه
بیر گل توکولدی توپراقا آتلار اَیاقلادی
آفت یتشدی گلشن و باغ خلودینه
بیر اوددا ووردولار او گونی آشیانینه
عرشیله فرشی چولقادیلار کینه دودینه
ویرمیشدی هر زادین او گون، الّا (نگینينى)
بارماقدا قویدی اوستونه سیر ایله جودینه
قطع علاقه سین بُله تا یکسره جهان
اَل ويردى ساربان جهول و عنودينه
- چهارشنبه
- 12
- خرداد
- 1400
- ساعت
- 17:38
- نوشته شده توسط
- یوسف اکبری
- شاعر:
-
مختار وطن پرست
ارسال دیدگاه