یتیشـوب هشتـم شـوال قلـم دقـت ائله
فـاطمه حقینی اثبـات اله سن، همـت ائله
هشت شوال آدی گلجک آلیشیر سینه یانیر
فاطمـه محنتینه اوز اوزونه گوز سـولانیر
هشت‌شوال آدی‌گلجک دوشوری یاده بقیع
چوخ جنـایت‌لره صبـر ایلـدی دنیاده بقیع
حیف اولا چونـکی قالـوب وادی غربتده بقیع
خوش گونه کربوبلا تک قالوب حسرتده بقیع
هشت شوالیده عرشـه اوجالیر نوحه سسی
مهدینون‌چون بوگونه واردی یامان خاطره‌سی
هشت شوالیده ظلمت اوتی عرشه دایانوب
مهدی فاطمه‌نین قلب شَررباری یانوب
هشت شوالیده بیر صحنه گوروب یاندی آقام
بیر جنایت اولونوب ایندیده گریاندی آقام
هشت شوالیده بیر سهمیلی طوفان اولونوب
گُلِ گلزار بقیع ظلمیله ویران اولونوب
عربستانیده بیر ظلم ائلدی قوم جفا
بـو جنـایت‌لره حیـرتده قـالوب اهل وفا
یازدیلار نامه‌ی تخریب، جفا باشلاندی
اوج ائدوب کینه سماواته بلا باشلاندی
غملی صحبت لرینی بیله بیان ایلدیلر
گلشـن فاطمـه‌نی بیـرده خزان ایلدیلر
شرمیدن ئولمدی‌لر صبری سراب ایلدیلر
وحشیانـه حرم یاری خراب ایلدیلر
اوچولاندا او حرم تیتردی چون عرش خدا
نه حرم قویدیلا اوردا قالا نه صحن و سرا
دَر و دیوارینی مخروبـه ائدوبلر عَلنی
گوزی گریان ائلیوب قانماز عرب فاطمه‌نی
صحن و گنبد سیز اولوب کان کرملر یارب
گون قباقینده قالوبدور او حرملر یارب
بو جنایتله بوتون قلبیلری داغلادیلار
او گوزل قبریلرین یولارینی بـاغلادیلار
شیعه‌نین اینده‌ده یوخ حقی سینه داغلاماقا
او مکاندا اوجادان نـوحه دیوب آغلاماقا
ای عزا اهلی گلون بیزده دعا ایلیقون
غصلی سینـه لری غـرق صفـا ایلیقـون
سسلیاخ آل علی مُنتَقمیـن دادیمیـزه
تا گله مهدی زهرا ئـوزی امدادیمیزه
گلمگینن آقامیز قلبیلری شاد ائله سین
اُوچولان مرقدی مهدی ئـوزی آباد ائله سین
حَق زهرانی عدالتلَه آلا دیده پُر آب
محو و نابود ائلیه آل سعودی او جناب
کعبه‌نین بامینه نصب ایلیه بیر قاره عَلم
عالمه حُکم اِلییـه شیعه لرینن بـا هم
دایانا کعبـه کنارینـده نظـاره الییه
کربلا تک اورانی شیعـه اداره الییه
بُولـدُورهَ فاطمنون حقینی دنیایه آقام
بیر حسینیۀ اَعظم سالا زهرایه آقام
طَبل حقانیت فـاطمه نی چالدیرسین
اوردا بیر کربوبلا مِثلی حرم سالدیرسین
نجه عباسِ علی روح ولا کسـب ائلدی؟
اقتداریله فرات اوستـه علم نصب ائلدی
مهدی فـاطمه اَلطاف و قـوا کسب ائلسین
چشمـۀ زمزمـه عباس علمین نصب ائلسین
یـار اولا شیعه لره محنت و مـاتم‌لرده
جدینه نوحه دییـه مـاه محرم‌لرده
کربلادور هامی یئر،ظاهری گر فرقی یوخی
کربلایه گِئدوریی مـاه محرمده چوخی
مشهدَ ماه صفرده ییغیشـار آذری لر
سایه لطـف رضایه سیخیشـار آذری لر
فاطمـه عشقینـه غم تیرینی قلبه ساچاروخ
فاطمیه گئدروخ مکه ده پرچم آچاروخ
- یکشنبه
- 2
- آذر
- 1399
- ساعت
- 21:47
- نوشته شده توسط
- یوسف اکبری
ارسال دیدگاه