دوشدی گرداب غمه کشتی دین ناجیلری
میندی عریان دویه کوی وفا حاجیلری
شمریله شامه روان اولدی حسین باجیلری
بو مصیبتده فغان هشت و چهار ایلدیلر
عرب بادیه پیمائیله اوچ یاشدا اوشاق
او اوزاق یوللاری طی ایلسون آیانه سیاق
کوفه‌نون کینه‌لی صیادلری اهل نفاق
بیر سوری غمزده آهونی شکار ایلدیلر
دیولر نفس ائلین خواهش بیجایه گوره
نه‌باخوب حقه نه‌رحم ائتدیله طاهایه گوره
کوفه سرکرده لری جیره دنیایه گوره
عصرون عیساسینه سرنیزه‌نی دار ایلدیلر
نیزه‌ده سیر الی الله ائلین وقته او باش
مطبخ خولیده‌خاکستر اونا اولدی فراش
قصد‌قربت ائلیوب کوفه‌لیلر ویردیلا داش
ناقه اوستونده خانم زینبی زار ایلدیلر
تیتردوب ظلم عدو عرش حقون پایه‌سینی
چوخ گوروبلر اوشهون قیزلارینون سایه‌سینی
ایله‌کی باشلادی سرنیزده کهف آیه‌سینی
او باشا مزد دهان سنگ نثار ایلدیلر
- سه شنبه
- 4
- آذر
- 1399
- ساعت
- 12:59
- نوشته شده توسط
- یوسف اکبری
- شاعر:
-
حاج محمد تقائی
ارسال دیدگاه