سئوال ائدوبله، پیمبر وصی سی، کیمدی مگر؟
قالوب جوابینه عاجز جهاندا اهل نظر
کیچیکدی عقل بشر، دَرک ائده علی کیمدی
علی مقامینی جِبرِیلیدَن سوروشسان اگر
دئیر علینی یقین، زمزم و صفا تانییور
او مکّه داغلاری شاهددی که، حرا تانیور
اگر چه اِذن خدائیله، هامّونی تانیرام
ولیک، شخصِ علینی، فقط خدا تانیور
ندا گلوب؛ فَلکون هر یرین سراغلامیشام
نشانِ فتحی علینون قولونا باغلامیشام
خدا منم، که علیده، اوزون اَلیمدی منیم
علینون اللریلن، عرشی گویده ساخلامیشام
- سه شنبه
- 4
- آذر
- 1399
- ساعت
- 14:20
- نوشته شده توسط
- یوسف اکبری
- شاعر:
-
بهلول حبیبی زنجانی
ارسال دیدگاه