ای حسینه ایدن اوز عشقین علن یا عباس
گورمیوب مثلوی گردون زمن یا عباس
هامی بیچاره لرین سنسن اولان امیدی
نا امید ایتمه قاپوندان منی سن یا عباس
نا امیدی نجه بیر دردیدی هر کس بلمز
سنکیمی یوخ بو یامان دردی بولن یا عباس
هرنه صدقیله بیری سندن اگر ایتسه طلب
کسیلن اللرویله ویرسن یا عباس
صورتون ماه ورار طعنه قدون طوبایه
او قد و صورتی اولموبدی گورن یاعباس
آفرین نقشوی ترسیم ایلین نقاشه
تک چکوب صورتون الحق، چکن یاعباس
سن گلستان محبتده ایله بر گلیدون
گوره حاشا بدلون باغ وچمن یا عباس
شان و اوصافوه کافیدی بوسوز ایلردی
سنیله فخر حسینیله حسن یا عباس
نه فقط ملت ایران آدوین عاشقی دور
سنی وار چوخلی ممالکده سوؤن یاعباس
ترک قیلدون وطنی قارداشوون خاطرینه
کربلا ملکی سنه اولدی وطن یاعباس
اگمدون دشمنه باش عشقووه مینلر احسن
ویرمدون تا واریدون ذلّته تن یا عباس
سن دیدون قارداشمون بیر توکونه واللهی
کل دنیا اولا بلمزله ثمن یا عباس
شمر امان نامه گتیردی اونی ایتدون پاره
اولمان سخت زمان عهد شکن یاعباس
ئولمسیدون سن اگر غیرتون ایتمزدی قبول
کسه زینب قولونی بند رسن یا عباس
مرتضا گوردی همینکه او اوزون قولاروی
ئوپدی قولاروی سلطان زمن یاعباس
سنه الله ویروب باب الحوائج لقبی
تا ابد بولقبه فخر ایده سن یا عباس
مقدمون ایلدی فردوس برین دنیانی
رشگ ایدر عالمه جنات عدن یا عباس
سنی الله یارالدوب اولاسان یار حسین
سسلین وقته سنی جان دیسن یا عباس
ایسته الله (امینی) دیلوی باغلاماسون
جان ویرن وقتده تز تز دیسن یاعباس
آندویرم سنی دورت اوغلی ئولن بر آناوا
نظر ایله منه ای سرو سمن یا عباس
افتخاریم بودی ایللر بویی درگاهوزدا
نوحه خوانم سیزه اشعار دین یا عباس
- جمعه
- 7
- آذر
- 1399
- ساعت
- 20:24
- نوشته شده توسط
- یوسف اکبری
- شاعر:
-
مجید امینی
ارسال دیدگاه