یاز قلم عشقون نه قضایاسی وار
الده علم جسم خدایاسی وار
دیلده شرر سینه ده احساسی وار
عاشق اباالفضلیدی معناسی وار
چون حسین تک اونون اقاسی وار
ام بنین اوغلی یل مرتضی
تا علم آلدی اله اول لافتا
تیتره دی گهواره کیمی ما سوی
کیم گوروب عباسی دیور مرحبا
گور بو حسینون نجه سقاسی وار
کیم گوروب عباسی دوشوب بندینه
عاشق اولوب فاطمه دلبندینه
غیضه باخوبدی سورا لبخندینه
یاخجی یازوب باشداکی سربندینه
بو بتلین حضرت زهراسی وار
مشگی کتوردی دئدی سقا منم
کل جهان قطره دی دریا منم
کوفه لیلر نیل اولسا موسی منم
گلسه او عیسی دیر عیسا منم
قوی بیله بو نحضتین عیسا سی وار
مشکی الوب چینینه الده علم
صحنه میدانه قویوبدور قدم
تیغ شرر بارینی چکدی او دم
سسلدی ای خرمن ظلم و ستم
قاتلوزون الده بو گون داسی وار
گلدی اولوب لشگرینه روبه رو
سویلدی ای فرقه پر آرزو
کوفه نی گلدیم ایلیم زیر و رو
تا بیله هر ظالم بی ابرو
شیر حسین عزم فتحناسی وار
اولدی رجز خوان دئدی اول بامرام
حیدری ام تابع امر امام
قوی چاتا اینده لره بو قیام قانیله
باشلانسا ییخماز قیام
باتماز او قان چون هله اواسی وار
عاشق ئوز عهدینده قالوب جان وئرر
جانیلی معشوقینه قربان وئرر
قورخولی میداندیده جولان وئرر
بیر باخشی یر گویه فرمان وئرر
دشمنی گورسون یدبیضاسی وار
چاتدی بو گون بیزلره اول انقلاب
سویلیروخ غیرتیله با حجاب
لشگریمیز شامه گئدر باشتاب
تا بیله اول داعشی خانه خراب
بو حرمین زینب کبراسی وار
یرده بو گون خون شهیدان دیور
شوق شهادتده یانیر جان دیور
هی بو دامارلاردا گزن قان دیور
ساکت اولون رهبر ایران دیور
بو علمین ظلمیله دعواسی وار
فخرائدروخ زخم و کبودیلره
تیر اولاریخ چشم حسودیلره
لعن اولا آل سعودیلره
درس خشن وئر او یهودیلره
قوی بیله بو نامه نین امضاسی وار
سویلور اباالفضله مریدم هله
کاخ سیاهه سالاروخ زلزله
بیزلره گر نامه سازش گله
جیریخ امان نامه نی دشمن بیله
شیعه اباالفضل کیمی مولاسی وار
- دوشنبه
- 10
- آذر
- 1399
- ساعت
- 22:36
- نوشته شده توسط
- یوسف اکبری
ارسال دیدگاه