سنی آنام جانی تز گل یامان گونومدی حسین
صولوبدی عمر بهاری خزان گونومدی حسین
گون ایستیسینده سنی کولگیه چکن باجوام
منیمده گون قاباقندا قالان گونومدی حسین
دیردیم اولمیا سندن اوزاق مکاندا ئولم
اورکده قالدی بو حسرت همان گونومدی حسین
الیمی هئچ کسه من احتیاجه آچمامیشام
گوزوم یولوندا سنه یالواران گونومدی حسین
قویاندا من الیمی قوینوما سن آغلاردون
او نازلی گوزلریوی آغلادان گونومدی حسین
باخان دیور بونون حتماً اورکده یاره سی وار
بو منظره هامینی یاندیران گونومدی حسین
یُوواندا کاش منی، قورخمییدی غساله
بو نیلگون بدنه غسل اولان گونومدی حسین
سنه که چاتمور الیم کوینگون قوجاخلامیشام
بونی آنام توخیوبدی فغان گونومدی حسین
یتور بو حالی بنی هاشمون جوانلارینا
گلون گلون باشیمون اوسته سان گونومدی حسین
آراده قالسا جنازم بو شامین اهلی گولر
وفالی ائللریمی آختاران گونومدی حسین
الیوی سینمه قویسان یوز ایلده من یاشارام
کسیلمیش اللری یاده سالان گونومدی حسین
سلام اولا او ابوالفضلیمون دوشن قولونا
کنار علقمه حسرت باخان گونومدی حسین
دئدیم وداعیده گئتمه گل ایندی من گئدورم
وداع گونی اتگوندن دوتان گونومدی حسین
- سه شنبه
- 11
- آذر
- 1399
- ساعت
- 22:57
- نوشته شده توسط
- یوسف اکبری
- شاعر:
-
ولی الله کلامی زنجانی
ارسال دیدگاه